Русский  >>  فارسی  >>  Якшанбе 24 октябр 2021, 18:06

Пештозии Тоҷикистон дар ҷалби сайёҳони хориҷӣ: Дуюм баъди Парагвай...

20 январ 2016, 16:43

Созмони ҷаҳонии сайёҳон аз рӯи суръати ҷалби сайёҳони хориҷӣ дар соли 2015 Тоҷикистонро аз ҷумлаи пештозҳо хондааст.

Тибқи иттилои Созмони ҷаҳонии сайёҳон соли 2015 шумораи сайёҳоне, ки аз Тоҷикистон дидан кардаанд, 94 фоиз бештар шудааст, ки ин дуюмин нишондод баландтарин дар ҷаҳон мебошад. Мақоми аввалро Парагвай соҳиб гардидааст, зеро теъдоди сайёҳон дар ин кишвар тайи соли 2015 97 фоиз афзоиш ёфтааст. Дар ин раддабандӣ, ки ба суръати ҷалби сайёҳони хориҷӣ диққат дода шудааст, Ниуэ дар мақоми саввум, Ҷопон чорум ва Исландия дар ҷойи панҷум омадааст.

Ин созмони вобаста ба СММ кишварҳои Твалу, Сан Марино, Тунис, Фаластин, Микронезия, Вануату, Люксембург, Бутан, Кения ва Озарбойҷонро аз кишварҳое гуфтааст, ки соли гузашта шумораи сайёҳонашон кам шудааст. Зимнан, Аҳтам Абдуллозода, раиси Кумитаи ҷавонон, варзиш ва сайёҳии Тоҷикистон шумораи сайёҳони хориҷиро дар кишвар тайи соли 2015 беш аз 410 ҳазор нафар гуфт, ки баландтарин нишондод дар даҳсолаи ахир мебошад. Ба қавли Абдуллозода сайёҳони хориҷӣ ба иқтисодиёти кишвар 206 миллиону 917 ҳазор доллар ворид кардаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Кодир

  • 20 январ 2016 22:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аҳсант

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!