Русский  >>  فارسی  >>  Душанбе 5 декабр 2016, 01:18

ВМ: Нақшаи даъвати тирамоҳии наваскарон ҳудуди 85 дарсад иҷро шудааст

10 ноябр 2011, 11:12

Аз даъвати шаҳрвандон ба сафҳои қувваҳои мусаллаҳ 39 рӯз сипарӣ гардида, иҷрои нақшаи даъват ба 84% расидааст.


Тавре Фаридун Маҳмадалиев, сухангӯи дафтари матбуоти вазорати мудофиа ба хабаргузории «Озодагон» хабар дод, аз оғози даъвати шаҳрвандон ба хизмати ҳатмии ҳарбӣ комиссияҳои даъватии шаҳру навоҳии мамлакат вобаста ба талаботи қонуни ҷумҳурии Тоҷикистон дар бораи ӯҳдадории умумии ҳарбӣ ва хизмати ҳарбӣ ба нишондиҳандаҳои мусбӣ ноил гардидаанд. Ба қавли ӯ, аллакай се ноҳияи вилояти Суғд -Зафаробод, Шаҳристон ва Табошар аз иҷрои пураи нақшаи даъват гузориш доданд ва дар дигар шаҳру навоҳии вилоят бошад, даъвати шаҳрвандон ба сафи қувваҳои мусаллаҳ аз 70 дар сад боло аст. Дар худи вилоят бошад иҷрои нақшаи чорабиниҳои даъватӣ ба 81,2 % расидааст.

Манбаъ афзуд, дар вилояти Хатлон аз теъдоди умумии 25 шаҳру навоҳии тобеи вилоят 15 ноҳия аз иҷрои пурраи чорабиниҳои даъватӣ гузориш доданд ва дар худи вилоят бошад, иҷрои нақшаи даъвати шаҳрвандон ба сафи қувваҳои мусаллаҳ 92%-ро ташкил медиҳад. Дар вилояти МКБ аз шумораи умумии 8 навоҳӣ аллакай 6   минтақа аз иҷрои нақшаи даъват гузориш доданд  ва дар вилоят иҷрои нақшаи даъват 96,6 фисадро ташкил медиҳад. Дар комисариатҳои ҳарбии ноҳияҳои тобеи ҷумҳурӣ иҷрои нақша 77,3 %-ро дар бар гирифта, дар ин минтақа ноҳияи Тавилдара ва шаҳри Роғун нақшаи даъвати ҳарбиро ба пуррагӣ иҷро намудаанд. Дар 4 ноҳияи пойтахт бошад ҷараёни чорабиниҳои даъватӣ 72,7 дар садро ташкил медиҳад. Манбаъ афзуд, ки аз оғоз то имрӯз дар давоми 39 рӯзи ҷараёни даъвати ҳарбӣ иҷрои нақша дар ҷумҳурӣ 84 %-ро ташкил медиҳад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!