Русский  >>  فارسی  >>  Шанбе 10 декабр 2016, 00:15

Фаъолияти масҷиди «Муҳаммадия» барои се моҳ мутаваққиф гардид

12 декабр 2011, 10:32

Фаъолияти масҷиди «Муҳаммадия»-и маҳаллаи Туркободи ноҳияи Ваҳдат барои се моҳ масдуд карда шуд.


Бино ба иттилои расида, Кумитаи дини назди ҳукумати Тоҷикистон  Нуриддин ва Маҳмудҷон Тӯраҷонзодаҳо, имом-хатибони ин масҷидро низ аз вазифа сабукдӯш кардааст. Ин хабарро зимни як тамоси телефонӣ Ҳоҷӣ Акбари Тӯраҷонзода, собиқ қозии мусулмонони Тоҷикистон тайид карда афзуд, субҳи имрӯз ӯ ва    ва бародараш Нуриддин Тӯраҷонзодаро ба кумитаи дин даъват карда ва ба онҳо ҳушдор додаанд, ки дар масҷидашон барои се моҳ, яъне то тасмими навбатии ин кумита аз намозгузории рӯзҳои ҷумъа худдорӣ кунанд. Бино ба қавли ӯ, дар ҷараёни сӯҳбат бо онҳо Абдураҳим Холиқов, раиси ин кумита, муовинонаш ва Анвари Вайсиддин, райиси шаҳри Ваҳдат ҳузур доштанд.Ҳоҷӣ Акбар Тӯраҷонзода мегӯяд, ин қазия пас аз ёдоварӣ аз шаҳодати ҳазрати Имом Ҳусайн дар рӯзи 2-юми декабр оғоз шуд.

Ёдрас менамоем, 6-уми декабри соли равон Шӯрои уламои Маркази исломии Тоҷикистон баёнияе интишор кард, ки дар он аз аз баргузории маросими азодории “Ошӯро” дар масҷиди «Муҳаммадия» ва нақши хонадони Тӯраҷонзодаҳо дар ин иқдом   интиқоди шадид мешуд. Шӯрои уламо гуфт, як чунин маросими барои аҳли суннат "бегона" барои мусулмонони Тоҷикистон пайомадҳои ногувор дар пай дорад. Аммо Ҳоҷӣ Акбар Тӯраҷонзода ин даъвои Шӯрои уламоро рад карда гуфт, ёдбуди қатли набераи паёмбари ислом дар масҷиди "Муҳаммадия" даҳ сол ба ин сӯ идома дорад ва онро наметавон маросими "Ошӯро" номид.



Шарҳи худро бинависед:

Ном:*
E-Mail:
Матни шарҳ:
Посух додан
  • muhojir

  • 9 август 2013 02:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
turajonzodaho shia shudaast meguyand hamin gap hakikat doradmi

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!