Русский  >>  فارسی  >>  Ҷумъа 9 декабр 2016, 06:52

569 ҳолати нақзи қонун дар бораи замин дар ноҳияи Бобоҷон Ғафуров ошкор гардидааст

12 декабр 2011, 11:57

Дар мақомоти иҷроияи ҳокимияти давлатии ноҳияи Бобоҷон Ғафуров оид ба вазъи самараноку оқилона истифодабарии замин бо иштироки прокурори генералии Салимзода Шерхони Одина ва райиси вилояти Суғд Қоҳир Расулзода ҷаласаи корӣ баргузор гардид.


Тавре ба хабаргузории «Озодагон» аз хадамоти матбуотии ҳукумати вилоят иттилоъ доданд, ҷаласаро Қоҳир Расулзода ифтитоҳ намуда, додситони кулли кишвар оиди иҷрои супориши ҳукумати ҷумҳурии Тоҷикистон аз 15 майи соли 2009 оиди ҷудо намудани қитъаҳои замини наздиҳавлигӣ ба эҳтиёҷмандон дар ноҳияи Бобоҷон Ғафуров, роҳ додани масъулини дахлдор ба камбудиҳои ҷиддӣ суханронӣ намуд.

Ҳамзамон зикр гардид, ки давоми соли 2010 ва 11 моҳи  соли 2011 аз тарафи кумитаи заминсозии ноҳияи Б.Ғафуров ҳамагӣ 569 ҳолатҳои вайронкунии қонунгузории замин ошкор карда шуда, барои бартараф намудани қонунвайронкуниҳо дастур дода шуда, шахсони воқеъӣ ва ҳуқуқие, ки ба қонуншиканиҳо роҳ додаанд, ба ҷавобгарии маъмурӣ кашида шуда, ба  маблағи умумии беш аз 136 ҳазор сомонӣ ҷарима баста шудааст.

Зикр бояд намуд, ки мутобиқи супориши ҳукумати ҷумҳурии Тоҷикистон, №13/5-17 аз санаи 15 майи соли 2009 оиди ҷудо намудани қитъаи замини наздиҳавлигӣ  то санаи 1 декабри соли ҷорӣ аз тарафи мақомоти иҷроияи ҳокимияти давлатии ноҳия ва комиссияи ҷамъиятӣ ҳамагӣ ба 8 795 адад оилаҳо қитъаҳои замини наздиҳавлигӣ дар майдони 879 гектар ҷудо карда шудааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!