Русский  >>  فارسی  >>  Панҷшанбе 8 декабр 2016, 16:59

Кӯлоб: «Ориёно» 40 нафарро дар ноҳияи Восеъ бо ҷойи кори доимӣ таъмин менамояд

27 декабр 2011, 06:36

Бо ибтикори як соҳибкор дар ноҳияи Восеъ маркази хизматрасонӣ мавриди истифодаи сокинони минтақа қарор гирифт.


Тибқи иттилои хабарнигори маҳаллии «Озодагон» ин марказ дар рустои Саричашмаи ҷамоати деҳоти Пахтакор сохта шуда, он аз 2 бинои дуошёнадор иборат мебошад. Дар бинои аввал мағозаи хурокворӣ ва фурӯши қисмҳои эҳтиётӣ барои нақлиёт, дорухона ва сартарошхона барои ҷо гирифтааст.

Гуфтанист, дар ошёнаи аввали бинои дуввум таъмири воситаҳои нақлиёт, коргоҳи истеҳсоли дару тирезаҳои плостикӣ мавриди истифода қарор ёфтааст. Ба гуфтаи Муҳаббатшоҳ Абдулҳайев, муассиси марказ, онҳо дар ояндаи наздик ният доранд ,дар ошёнаи дуввум сехи дӯзандагиро бо ҷалби  бонувони маҳаллӣ  ба роҳ монанд. Бо бунёди марказ 40 нафар аз сокинони деҳоти атроф ба ҷойи кори доимӣ таъмин гаштанд.

Манбаъ мегӯяд, маркази хизматрасонии «Ориёно» аввалин муассисае дар ҳудуди ҷамоати мазкур мебошад, ки барои хизматрасонӣ барои сокинони русто пешбинӣ гаштааст. То имрӯз сокинони деҳоти ҷамоат масофаи зиёдеро тай намуда, барои харидории маводи зарурӣ ба шаҳри Кӯлоб мерафтанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!