Русский  >>  فارسی  >>  Якшанбе 4 декабр 2016, 04:54

Роҳҳои вуруди сармояи Эрон ба Тоҷикистон маҳкам шудаанд. Ҳарфи аввали вазири тозатаъин

25 январ 2012, 05:46

Дар пайи таҳримҳое, ки ҷомеаи ҷаҳонӣ нисбати Эрон татбиқ дорад, сармоягузории Эрон ба Тоҷикистон коҳиш ёфта, фаъолияти ширкатҳои ватание, ки бо Эрон ҳамкорӣ доранд, мушкилтар хоҳад шуд.


Шариф Раҳимзода, вазири тозатаъини рушди иқтисод ва савдои Тоҷикистон дар ин бора имрӯз дар ҳузури хабарнигорон иброз дошт.Ба гуфтаи  Раҳимзода, дар ҳоли ҳозир роҳҳои вуруди сармоя аз Эрон ба Тоҷикистон маҳкам шудаанд: «Бонкҳои эронии дар кишвар фаъолиятдошта наметавонанд, маблағро ба Тоҷикистон ворид созанд. Интиқоли маблағҳо, аз ҷумла доллар тавассути ИМА  ва интиқоли евро тавассути Иттиҳоди Аврупо сурат мегирад, ки роҳ надода истодаанд».
Ҳамзамон, вазири тоҷик изҳори умед кард, ки ягдигарнофаҳмиҳои ғарб бо Эрон ба авҷи аълояшон нахоҳанд расид: «Инро касе намехоҳад. Ба ин на ҷониби Эрон ва на мамлакатҳои Араб манфиатдор нестанд».
Ин дар ҳолест, ки Эрон тайи солҳои охир ба қатори панҷгонаи калонтарин сармоягузорони Тоҷикистон дохил шуда, интизор мерафт, тайи 5 соли минбаъда ҳудуди 1 миллиард евро ба иқтисодиёти кишвар сармоягузорӣ  кунад.
Ба иттилои масъулини вазорати рушди иқтисод, сармоягузории танҳо бахши хусусии Эрон тайи 9 моҳи гузашта ба иқтисодиёти Тоҷикистон наздики 15 миллион доллари амрикоиро ташкил додаст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!