Русский  >>  فارسی  >>  Чоршанбе 7 декабр 2016, 19:20

Тими мунтахаби ҷавонони Тоҷикистон имрӯз бо «Регар-ТадАЗ» футбол мезанад

12 июн 2012, 04:13

Дастаи мунтахаби ҷавонони Тоҷикистон, барои ширкат дар мусобиқаи интихобии қаҳрамонии Осиё (U-22) ба Малайзия сафар мекунад.

Федератсияи футболи Тоҷикистон (ФФТ) иттилоъ медиҳад, ки Камол Алиспоҳич, сармураббии тими мунтахаби ҷавонони футболи Тоҷикистон, ҳайати дастаи мунтахаби ҷавононро, ки дар мусобиқаи интихобии қаҳрамонии Осиё (U-22) ширкат меварзад, эълон кард. Ба  ҳайати даста 23 нафар: 3 дарвозабон, 7 ҳимоятгар, 9 нимҳимоятгар ва 4 ҳамлагар шомиланд.

Дарвозабонҳо: Фаррух Бердиев («Парвоз»), Мӯъминҷон Гадойбоев («Хуҷанд»), Саидҷон Саидраҳмонов («Истиқлол»), ҳимоятгарон: Сиёвуш Асроров, Наим Улмасов («Вахш»), Аҳтам Назаров («Энергетик»), Манучеҳр Аҳмадов («Хуҷанд»), Дилшод Сафармамадов, Фурӯғ Қодиров (ССКА «Помир»), Алишер Шарифов («Регар-ТадАЗ»); нимҳимоятгарон: Нуриддин Давронов («Истиқлол»), Ҷамолиддин Зардиев, Умедҷон Шарифов, Бахтиёр Қаландаров («Вахш»), Расул Файзов («Регар-ТадАЗ»), Шамсиддин Қосимов, Азимҷони Юнусзода (ССКА «Помир»), Нодирбек Маъмиров («Парвоз»), Қурбоналӣ Собиров («Зарафшон»), ҳамлагарон: Шодибек Ғаффоров («Энергетик»), Ҷаҳонгир Эргашев (ССКА «Помир»), Абдурасул Раҳмонов («Гвардия»), Фирдавсӣ Қурбонов («Истиқлол»).

Ҷамъомади таълимиву тамринии даста аз рӯзи 10-уми июн дар шаҳри Душанбе, дар варзишгоҳи марказии ҷумҳуриявӣ шурӯъ шуда, то рӯзи 16-уми июн идома меёбад. Ҳамчунин тибқи нақша ду бозии санҷишӣ бо дастаҳои «Регар-ТадАЗ»-и Турсунзода (12-уми июн) ва «Равшан»-и Кӯлоб (15-уми июн) гузаронида хоҳад шуд.

Манбаъ иттилоъ медиҳад, ки дастаи мунтахаби ҷавонони Тоҷикистон рӯзи 16-уми июн тавассути ҳавопаймо ба воситаи Дубай вориди Малайзия хоҳад шуд.

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!