ВКД мегӯяд, дар сурати аз ҷониби кормандони милиса мавриди тафтиш қарор гирифтани шахсони бе қайди ҷойи зист, набояд ба изтиробу ташвиш афтод.
Тавре ба Озодагон аз ВКД хабар доданд, ин тафтиш барои дар сатҳи баланд доир намудани ҷашни Ваҳдати миллӣ ва роҳ надодан ба қонуншиканӣ гузаронида мешавад:
«Ба хотири таъмини тарзи дурусти зиндагӣ, риояи қонун ва одоби шаҳрдорӣ дар пойтахт ва сулҳу оромӣ чунин иқдом роҳандозӣ шудааст. Шаҳрвандон низ бояд дар ҳамкорӣ бо кормандони ҳифзи ҳуқуқ барои пешгирии амалу кирдорҳои номатлуб ва ҷинояткорона саҳмгузор бошанд».
Бино ба иттилои манбаъ, Барот Ҳомидов, сардори Раёсати ҳифзи тартиботи ҷамъиятии Вазорати корҳои дохилӣ ҳайати шахсии раёсати ВКД дар шаҳри Душанберо назди Сирки давлатии пойтахт ҷамъ намуда, ҷиҳати риоя намудани сару либоси низомӣ, муошират бо шаҳрвандон ва қабули иштирокчиёни Рӯзи Ваҳдати миллӣ корҳои фаҳмондадиҳӣ гузаронидааст.
Мӯҳр