Русский  >>  فارسی  >>  Чоршанбе 7 декабр 2016, 23:15

Иқтисоди Тоҷикистон аз нигоҳи экологӣ ба қатори бадтаринҳо дохил шудааст

3 август 2012, 10:46

Иқтисодиёти Тоҷикистон аз нигоҳи экологӣ ва рушди сабз миёни кишварҳои ҷаҳон дар зинаи 121-ум қарор гирифтааст.

Пажуҳишгарони донишгоҳҳои Колумбия ва Йел вазъи «рушди сабз»-и 132 кишвари ҷаҳонро мавриди таҳқиқ қарор додаанд. Бадтарин нишондодро аз нигоҳи экологӣ иқтисодиёти Ӯзбакистон, Туркманистон ва Ироқ нишон додаанд. Пешсафон аз нигоҳи тозагии экологӣ Швейсария, Латвия ва Норвегия маҳсуб меёбанд. Миёни кишварҳои Иттиҳоди давлатҳои мустақил нишондоди беҳтарин ба Латвия (зинаи 2-юм), Литва (17-ум) ва Гурҷистон (ҷои 47-ум) тааллуқ дорад.
Дар паи онҳо Эстония (54-ум), Белорусия (65), Арманистон (93), Қирғизистон (101), Украина (102), Русия (106), Молдова (108), Озарбойҷон (111), Тоҷикистон (121), Қазоқистон (129), Ӯзбакистон (130) ва Туркманистон (131) қарор доранд.
Таҳиягарони гузориш мегӯянд, тайи солҳои 2000-2010 вазъи экологӣ бад шудааст. Махсусан, чунин ҳолат дар Эстония, Арабистони Саудӣ, Босния, Русия ва Ироқ ҷой дорад.
Меъёри тозагии экологии иқтисодиёт 22 омилро аз қабили тозагии обу ҳаво, таъсири муҳит ба саломатии инсон, захираҳои ҷангал, партовҳои зараррасон ба табиат ва ғайраро фаро гирифтааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!