Русский  >>  فارسی  >>  Душанбе 5 декабр 2016, 03:16

Кушта шудани як шаҳрванди Тоҷикистон дар Маскав

15 октябр 2012, 05:15

Рӯзҳои  наздик аз шаҳри Пушкинои вилояти Маскав ҷасади як тоҷикро ба Ватан меоранд.

Тавре аз хадамоти матбуоти Сафорати Тоҷикистон дар Русия ба Озодагон гуфтанд, рӯзи 11-уми октябри соли равон, дар наздикии шаҳри Пушкинои вилояти Маскав ҷасади шаҳрванди Тоҷикистон Аҳтамшо Шарифов пайдо карда шуд.

Бино ба иттилои манбаъ, қабл аз пайдо карда шудани ҷасад, Додихудо Назаров, як тан аз пайвандони марҳум, ба Сафорат дар бораи чанд рӯз пеш нопадид шудани додарарӯсаш Аҳтамшо муроҷиат намудааст. Баъдан мавзӯъ аз ҷониби кормандони Сафорат мавриди пайгирӣ қарор гирифт.

Манбаъ афзуд, ки айни замон корҳои тафтишотӣ аз сӯйи мақомоти дахлдори кишвари иқомат, аз ҷумла Бахши тафтишотии Раёсати тафтишотии Ҳавзаи маъмурии Шимолу Шарқи шаҳр Маскави Кумитаи тафтишотии Федератсияи Русия идома дорад. Инчунин мавзӯъ мавриди пайгирии ҷиддии Сафорат қарор гирифта, иттилои бештар дар ин замина дар фурсатҳои наздик, пас аз рӯшан шудани  ҷузъиёти ҳодиса, пахш хоҳад шуд.

Гуфта мешавад, ки Аҳтамшо Шарифови 24 сола, зодаи ноҳияи Панҷи вилояти Хатлон буда, бошандаи деҳаи Наврӯзи ҷамоати Озодагон будааст.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!