Русский  >>  فارسی  >>  Панҷшанбе 8 декабр 2016, 12:53

Тоҷикистону Қазоқистон ба қочоқи нашъа мубориза мебаранд

6 декабр 2012, 08:33

Масъулини Агентии назорати маводи нашъаовари назди президенти  Тоҷикистон бо ҳайати Кумитаи амнияти миллии  Қазоқистон мулоқот намуданд.

Бобоҷон Шафиев, корманди агентии мазкур ба Озодагон иттилоъ дод, ки дар ҷараёни мулоқот масоили вобаста ба вазъи мухаддиротӣ дар минтақа, равишҳои арзёбии қочоқи маводи мухаддири афғонӣ, ҳамчунин дурнамои ҳамкориҳои дуҷониба дар самти муқобилият бо тиҷорати байналмилалии маводи нашъадор мавриди баррасӣ қарор гирифтанд.

Ҷонибҳо бо назардошти афзоиши ҳаҷми истеҳсоли мухаддироти мансуб ба афюн дар Афғонистон, зиёд шудани интиқоли қочоқии он, аз ҷумла аз тариқи кишварҳои Осиёи Марказӣ, ҳамчунин бо дарки он ки муомилоти ғайриқонунии маводи мухаддир ба саломатии аҳолӣ ва сохторҳои иҷтимоӣ-иқтисодии кишварҳои минтақа таҳдиди ҷиддӣ дорад, як силсила қарорҳои мушаххасе қабул карданд.

Гуфта мешавад, татбиқи чунин қарорҳои қабулшуда бидуни шак ба фаъол гардидани ҳамкориҳо миёни хадамоти махсуси ду кишвар дар самти мубориза бо маводи мухаддир мусоидат хоҳад намуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!