Русский  >>  فارسی  >>  Ҷумъа 9 декабр 2016, 22:18

Раҳмонов бархе масъулини шаҳри Кӯлобро интиқод кард

21 январ 2013, 11:33

Аксари корхонаҳои саноатӣ маҳсулоти истеҳсолӣ ва маоши коргаронро  кам нишон медиҳанд.


Дар ин бора Абдуғаффор Раҳмонов, шаҳрдори Кӯлоб зимни нишасти матбуотӣ дар ҷамъи журналистон эълон кард. «Гап сари андоз меравад. Соҳибкорон ба хотири аз андози давлатӣ гурехтан, истеҳсоли маҳсулотро дар корхонаҳои саноатӣ кам нишон медиҳанд. Инчунин,  коргарон, агарчӣ ба маротиб маоши баланд мегиранд, вале масъулин боз ҳам ба хотири камтар супурдани ҳақи андози ҳифзи иҷтимоӣ, моҳанаи коргаронро кам нишон медиҳанд».  

Ба қавли Раҳмонов, дар бахши саноат ҳатман таҳлили иқтисодӣ бояд гузаронид. «Зеро, дигар омор ҳам баъзан ба хатогӣ меравад ва  маълумоти нодуруст пешниҳод мекунад. Дар баъзе корхонаҳои саноатӣ, хароҷот аз истеҳсолот зиёд нишон дода мешавад. Дар ин сурат, маблағ аз кисаи соҳибкор меравад, ки ҳаргиз қобили қабул нест».

Тибқи иттилоъ, дар шаҳри Кӯлоб 36 корхонаи саноатӣ фаъолият доранд, ки соли қаблӣ ба миқдори беш аз 114 миллион сомонӣ маҳсулот истеҳсол кардаанд.














Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!