Русский  >>  فارسی  >>  Шанбе 3 декабр 2016, 05:23

Ҳукумов рӯзномаи Имрӯз-News ва сармуҳаррири онро ба додгоҳ кашид

29 январ 2013, 05:59

Рустам Ҳукумов, фарзанди  Амонуллоҳи Ҳукум, роҳбари корхонаи «Роҳи оҳани Тоҷикистон» аз додгоҳ талаб кардааст, ки ҳафтаномаи мазкур ба ӯ 50. 000 сомонӣ ҷуброн диҳад.

Тавре Назири Нусрат, сардабири нашрияи мазкур ба Озодагон иброз дошт, Рустам Ҳукумов аз додгоҳи шаҳри Душанбе хостааст, даъвои ӯ алайҳи як матлаберо, ки нашрия моҳи октябр чоп кардааст, пушти дарҳои баста баррасӣ кунад: «Аслан сухан сари як матлаби дар чанд моҳи қабл нашршуда меравад, ки таҳти унвони «Боқиев ва Ҳукумов:

Фарзандоне, ки «дарди сар»-и падар шуданд. Ҳамон шабу рӯз дар Лондон писари собиқ президенти Қирғизистон Қурбонбек Боқиев-Максим Боқиев боздошт шуда буд ва ин матлаб ҳам дар қиёс ба он қазия навишта шуда буд».

Тибқи иттилои расонаҳои хабарӣ, Рустам Ҳукумов дар соли 2008 бо иттиҳоми қочоқи маводи мухаддир дар Русия дастгир шуда, номи ӯ дар соли 2011, дар замони қазияи боздошти ду халабони рус дар Тоҷикистон вирди забони матбуот шуд. Рустам Ҳукумов моҳи декабри соли 2011, як моҳ баъд аз раҳоии он ду халабон, аз маҳбас дар Русия раҳо ёфт ва ба Душанбе баргашт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!