Русский  >>  فارسی  >>  Панҷшанбе 8 декабр 2016, 19:02

Раҳмонов: "Замони бо бӯр навиштан гузашт..."

28 феврал 2013, 18:11

Абдуҷаббор Раҳмонов, собиқ вазири маорифи Тоҷикистон, имрӯз, 28 феврал, дар шаҳри Душанбе, зимни конфронс дар мавзӯи «Раҳёфтҳои навин дар таълим ва такмили забонҳои хориҷӣ дар шароити низоми кредитии таҳсилот» таъкид кард, ки “замони бо бур навиштанҳо” гузашт.

Раҳмонов, ки айни ҳол роҳбарии Донишгоҳи давлатии омӯзгории Тоҷикистон (ДДОТ) -ро ба уҳда дорад, изҳор дошт, ки дар кафедраҳои забонҳои хориҷии муассисаи зертобеаш, ҳамагӣ ду ё се муаллими ҷавон ба воситаи лаптоп ё проектори электронӣ дарс мегузаронанд. Ӯ ин ҳолатро “ғайриқаноатбахш” хонда, зарур гуфт, ки зимни таълими забонҳо дар кишвар аз технологияи муосир бештар истифода шавад. Раҳмонов барои шинос намудани ҳозирин бо имконоти технологияи муосир телефони ба гуфтаи худаш “Айфон 5”-ашро намоиш дод, ки метавонад, сабт, тарҷума ва дигар амалиётро гузаронад.

Дар ҳамин ҳол Гулрафтор Музаффарова, мудири кафедраи забонҳои хориҷии умумидонишгоҳии ДДОТ ва яке аз ибтикорони ин конфронс, таъкид намуд, ки дар шароити низоми кредитии таҳсилот, ҳар як кафедра ӯҳдадор аст, раванди таълимро бо истифодаи маводҳои таълимӣ-методии муосир ба роҳ монад: “Аз ҷумла роҳнамои донишҷӯ, маводҳо барои дастурҳои аудиторӣ, барои корҳои мустақилонаи донишҷӯён, барои санҷиши сатҳи дониши донишҷӯён, дастурҳои методӣ барои гузаштани таҷрибаомӯзӣ пурра бояд таъмин бошанд.”

Гулрафтор Музаффарова, барои пешравӣ дар ин самт, таъсиси хадамоти тютерӣ дар назди кафедраи забонҳои хориҷии умумидонишгоҳиро зарур медонад. Ба гуфтаи ӯ, ин роҳи муносиби муайянсозии на танҳо сифати фаъолияти тадрисшаванда, балки омодагии кафедраҳо ба шакли нави таҳсилоти низоми кредитӣ мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!