Русский  >>  فارسی  >>  Ҷумъа 9 декабр 2016, 01:03

Вазир: Олимпиадаи ҷумҳуриявии мактаббачаҳо имсол шаффоф гузашт

15 апрел 2013, 15:39

Имрӯз, 15-уми апрел, олимпиадаи ҷумҳуриявӣ миёни муҳассилини макотиби миёнаи Тоҷикистон аз фанҳои дақиқ ба анҷом расид.

Нуриддин Саидов, вазири маорифи Тоҷикистон, дар маросими анҷомёбӣ гуфт, ки олимпиадаи мазкур дар сатҳи шаффоф баргузор гардида, ғолибони он ба дилхоҳ донишгоҳҳои кишвар роҳхат хоҳанд гирифт. Ин изҳороти вазир дар ҳолест, ки аз хулосаи ҳакамон аксари ширкаткунандагон ва омӯзгорон изҳори норозигӣ карда, мегӯянд, ҳангоми ҳисоби холҳо ҳакамон ба беадолатӣ роҳ додаанд. Дар ин робита Саидов иқрор кард, ки бо гуноҳи ҳакамон баъзе аз ширкаткунандагон баҳои ҳақ нагирифта, ғолибони сабқати ғайриконкурсӣ холҳои бештар аз барандагони ҷойҳои якум ва дуввум гирифтаанд. Нуриддин Саидов гуфт, ки мушкилоти мазкурро бо мудирони маорифи вилоят ва ноҳияҳои Душанбе мавриди баррасӣ қарор хоҳад дод.

Бояд гуфт, ки олимпиадаи ҷумҳуриявӣ оид ба фаннҳои дақиқ – ҷуғрофия, кимиё, биология, информатика, риёзӣ ва физика 13 –уми апрел дар мактаб-интернати ба номи Бобоҷон Ғафуров, дар ноҳияи Рӯдакӣ оғоз ёфта, 15-уми апрел анҷом ёфт. Дар он хонандагон аз мактабҳои миёна, литсейҳо ва гимназияҳои минтақаҳои гуногуни ҷумҳурӣ ширкат доштаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
салом алайкум шумо чихел озодиед ки дуруг менависед барои чи бо мо талабагон мусохиба гузарониден вале уро нашр накадед ё ки тарсиден айб аст охи мо интервю додабудем аз рафти олимпиада

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!