Русский  >>  فارسی  >>  Шанбе 10 декабр 2016, 23:30

Гулнора дигар намояндаи Узбакистон дар СММ нест

24 апрел 2013, 16:01

Дар сомонаи Вазорати умури хориҷии Узбакистон исми духтари раисиҷумҳури ин кишвар, ҳамчун намояндаи доимӣ дар шӯъбаи СММ дар Женева навишта нашудааст.

Аз он ки дар ин вазифа ному насаби нафари дигаре ҳам нест, тахмин меравад, ҳоло ин маснад холӣ аст. Вазорати умури хориҷии Узбакистон шарҳ надода, ки вазифаи намояндаи доимӣ дар назди СММ аз кадом вақт холӣ мондааст. Авохири моҳи март Гулнора Каримова ба сифати намояндаи доимии Узбакистон дар Женева фаъолият дошт.

Духтари президент аз сентябри соли 2008 намояндаи доимии Узбакистон дар назди СММ ва дигар созмонҳои байналмилалӣ таъин шуд. Соли 2010 курсии сафири Узбакистон дар Испанияро ҳам ба худ ихтисос дод ва аммо оғози моҳи июли соли 2012 онро канор гузошт.

Имрӯз, 24-уми апрел дар Женеве ҷаласаи гуруҳи кории шӯрои СММ ба кори худ оғоз кард. Узбакистонро дар он раҳбари Маркази ҳуқуқи инсон Акмал Саидов намояндагӣ дорад.

Гулнора Каримова, духтари бузурги Ислом Каримов, президенти Узбакистон аст. Бештари коршиносон мегӯянд, маҳз Гулнора курсии падарро соҳиб мешавад. Моҳи марти соли ҷорӣ нашрияи маъруфи «Financial Times»-и Бритониё низ навишт, ки эҳтимол Гулнора Каримова ҷойгузини падар мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!