Русский  >>  فارسی  >>  Душанбе 18 март 2019, 14:25

Далер Шарифов ба Мулло Ҳайдар: “Фаромӯш накунед, дар асри 21-ем!”

24 сентябр 2013, 11:29

Дар кишваре, ки 99 фисад мардуми мусалмон зиндагӣ мекунад, бештари рӯҳониён вазифаи аслии худро фаромӯш карда, даст ба мавзӯъҳое мезананд, ки ҳайрати кас меояд.

Ба ҷои он ки аз фаризаҳои илоҳӣ, ба монанди ҳиҷоб, таълими Қуръон, ибодат дар масҷид, муомилоти зиндагӣ тибқи шариат ва даҳҳо мавзӯъҳое ки имрӯз дар Тоҷикистон мувоҷеҳи мушкиланд, пуштибонӣ кунанд, андешаҳоеро тариқи матбуот аз онҳо мехонем ё мешунавем, ки хандаовар аст.

Чанде пештар Мулло Ҳайдар (Шарифов) аз руҳониёни шинохта дар минтақаи Кӯлоб дар «Asia-Plus» гуфта, ки ҳар кас дар интихоботи президентии моҳи ноябри соли ҷорӣ ба Эмомалӣ Раҳмон овоз надиҳад «ҷинояте зидди давлат ва миллат» содир кардааст. Чанде сабр кардам, ки ягон шахси огоҳ ба эшон посухе бидиҳад ва бифаҳмонад ки домуллои «муҳтарам» ин андешаатон ғалат аст. Аммо чунин нашуд.

Домуллои «муҳтарам» ман ба ин кор надорам, ки андешаҳои Шумо хилофи Сарқонун ва тамоми арзишҳои демкократисту ба кадом бандҳои қонун мухолифат мекунад. Бигзор, инро ҳуқуқдонҳо ва мардуми Тоҷикистон, ки ҳаққи ширкат дар интихоботро доранд, ба шумо бифаҳмонанд. Домуллои «муҳтарам» агар овоз надодан ба Эмомалӣ Раҳмон «ҷинояте зидди давлат ва миллат» бошад, бояд пас аз интихобот онҳоеро, ки ба Эмомалӣ Раҳмон овоз надодаанд, ҳамаашонро дохили зиндон кард, чаро ки ҷиноят зидди давлату миллат амали нобахшиданист.

Ба маълумоти Шумо Ёқуб Салимов ва Ғаффор Мирзоев ба хотири ҷиноят зидди давлату миллат яке понздаҳ сол ва дигарӣ як умр ба ҳабс маҳкум шуданд. Аз ин хотир баъди хондани Чоркитобу Мухтасар кам-кам қонунҳои кишварро мутолиа кунед. Шумо ҳамчун домулло ва рӯҳонӣ бояд бидонед, ки тибқи шариати Ислом ҳар шахс ҳаққи интихоби зиндагии арзанда ва шоистаро дорад. Ва ӯ ҳақ дорад аз «улуламр»-и ғайришаръӣ итоат накунад ё ба ӯ раъйи худро надиҳад ё баръакс аз роҳбаре, ки тамоми хостаҳои динӣ ва дунявиашро бароварда мекунад, пуштибонӣ ва итоат намояд. Ин мавзӯъ дар дини муқаддаси Ислом хеле муҳим аст. Чаро ки Ислом дини диктаторӣ ё диктаторҳо нест. Домулло, Шумо агар хонда бошед хоҳиш мекунам ба хотиратон биёред замонеро ки паёмбари бузурги Ислом ҳангоме ки аз дунё гузаштанд, ҷонишин ё роҳбари ояндаи хилофатро таъин накарданд ва онро ба худи саҳобагон гузоштанд, то тариқи интихобот онҳо роҳбари ояндаи худро интихоб кунанд.

Ҳамин тариқ, чаҳор халифаи бузург ва минбаъда дар Ислом на ба тариқи дуздии овозҳо ё фишору хиёнатҳо, балки тариқи интихоботи озоду шаффоф яке паси ҳамдигар роҳбар таъин шуданд. Хусусан ҳангоми интихоби ҳазрати Усмон ва ҳазрати Алӣ, ки ҳардуяшон дар мақому мартаба ва илму дониш ва тақво қариб баробар буданд интихобот ҳамин хел сурат гирифт, ки бо шоҳидии се саҳоба хона ба хона гашта ба тарафдории ин ду нафар овоз ҷамъ карданд ва яке аз инҳо дар интихобот, яъне ҳазрати Усмон ғолиб омад ва ҳазрати Алӣ омада, бо ӯ байъат кард ва ӯро ба мақоми хилофат табрик намуд.

Домулло медонед, ки ин воқеа дар дини Ислом 1400 сол пеш сурат гирифта буд ва алъон мо дар асри 21 қарор дорему мардумро маҷбур мекунем ба тарафдории касе овоз диҳанд ва овоз надоданашонро ба номзади мавриди худ ҷиноят ҳисоб мекунем. Шумо, ки саллаву ҷелак ва номи муллоӣ доред, аз номи Ислом баромад мекунед ва то ба имрӯз зиндагиатон пушти номи Ислом аст бояд мардумро аз ахлоқу аҳком ва ҷавонмардиҳои саҳобагон раҳнамоӣ кунед. Давлатдории боадолатонаи Умарро барояшон қисса кунед.

Ба мардум бифаҳмонед, ки Абубакр, Умар, Усмон ва Алӣ бо либосҳои дарбеҳшудаву шиками гурусна ба мардум хизмат мекарданд. Онҳо хилофатро авлодӣ накардаву тамоми тиҷорату саноату зиндагиро монополия накарда буданд. Ва ҳамин буд, ки то Испания хилофаташон тӯл мекашид. Шумо, ки пеши Худо аз ҳар авоме дида масъулияти бештареро доред ва фардо аз ин ҳама масъулият пурсида хоҳед шуд. Аз ин хотир ҳамчун як мусалмони Тоҷикистон аз шумо хоҳиш дорам, ки ба ҳар чӣ назар медиҳед, як бор онро дар тарозуи ақл санҷед. Шумо, ки намояндагӣ аз дини муқадаси Ислом мекунед, бештар кӯшиш кунед, ки мушкилиҳои мардуми мусалмон рафъ гардад. Агар ба ҷуз мулло будан вазифаи дигаре ҳам доред, пас, инаш ҳавола ба худатон, ман ҷуз мулло Шуморо каси дигар намешиносам.

Бигзор мардуми Тоҷикистон касеро ки худашон салоҳ медонанд, интихоб кунанд. Ману Шумо домулои «муҳтарам» ва ҳеч нафари дигар ҳақ надорад ба ҳуқуқи мардум дахолат кунад. Ҳама чиз маълум аст ва мардум худашон медонанд, ки ба кӣ овоз диҳанд. Вазифаи аслии Шумо домулло ин аст, ки ба мардум ва мансабдорон ҳалолхурӣ, хиёнат накардан дар мансаб, надуздидани овозҳои мардум ва риояи ҳаққу ҳуқуқи мардумро фаҳмондан мебошад. Тағйир додани ҳолу аҳволамонро Худованд бар дӯши худамон вогузор кардааст.

Домуллои «муҳтарам» Худованд мефармояд, «Худованд ҳоли ҳеч қавмеро тағйир намедиҳад, то вақте онон он чӣ дар дилҳояшон доранд, тағйир диҳанд» (сураи Раъд, ояти 11). Пас, бояд ба хотири пешрафт ва саодатмандии мусалмонон ва миллати шарафманди тоҷик дилҳоямонро ва андешаҳоямонро тағйир бидиҳем, на ба хотири кадом манфиатаке шахсиятпарастӣ кунему аз пинҳон кардани ҳақиқат ва нодида гирифтани масъалаҳои муҳим даст бикашем.

Далер ШАРИФОВ,
журналист

PS: Ин навишта назари шахсии муаллиф аст


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эй канд занед набераи Нури! Кашфиёт муборак! Аммо ва баъд, Далербой чаро андеша накардед, ки аз миёни зиёда аз 7-милион сокини кишвар касе ба ин андешаи "Савори эхсос"-и Бобой Хайдар посух нагуфт. Ба он хотир, ки бехтарин чавоби у сукут аст. Шумо бошед дустам ба ин чавинию тандурусти, имконоти зехнию акли ва аз хама мухим ба гузаштагони саодатталаби худ акалан нигох накарда, ба "ки ва ба кадом андеша" дарафтода, кашталгири намуда истодаед...... Хайр майлаш дустам, хурдагири нашавад, Шумо бо кадом мехвар ва ё ченак макому мартаба, илму дониш ва таквои хулофои Ислом Алию Усмонро андозагири кардаед, ки онхоро хатто "Кариб баробар" мешуморед. Ин ва дигар чузъиёти андеша ва ё ин матлаби Шуморо хамин гуна муйсафедон "агар дарафтанд" зиёд маълум мегардад, ки аз чониби эхсос идора мешавед..... Шумо дустам бехтараш дигар вожаи мубораки "мухтарам"-ро хеч гох, алалхусус баъди калимаи Домулло дар нохунак нагиред. Бигзор хар касеро мехохед эхтиром накунед, вале хадди аккал чунин амалатонро ба намоиш нагузоред. Он вакт Шуморо сирату сурат тавъам хохад буд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба мо навиштачоти Далер Шарифов дар кор нест!!!!!!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Далерчон офарин!
Хеле мехнат мекуни.
Муваххид Ансоричон!
Дуо мекунам боз чанд зани хуба мисли Саида бигири, Муваххидчон!
Посух додан
  • Абдулкодир

  • 24 сентябр 2013 22:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
МошоАллох бародар Далер хакро гуфтед.
Посух додан
  • изатуллох

  • 24 сентябр 2013 22:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
офари вокеан чавони хакгую часур будаи ин мулло ба гайр аз як лаганбардор чизи дигаре нест инро ман нагз мешиносам
Посух додан
  • хандаовар

  • 24 сентябр 2013 22:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сайрандеш,
Сайрандеш агар бехтарин чавоб сукут мебуд чаро худатон сукут накардеду мавкеатонро нишон дода назаре навиштед?Хуб як чавон назараша ба як муло расондааст, чи чои вохимаву нигарони дорад?Эхсоси аст даруни нохунакда менависад харчизеки бошад чавони бедор аст.Инаш эхсоси вайш терорист дигараш аъзои ХНИТ?Медонед Сайрандеш ки гунохи ин чавонон чист?Онхо хамаги як гунох доранд мисли ману шумо нестанд дар сафамон нестанд андешаи дигар доранд!!Онхо моро мачбур мекунанд ки буздилона ва бо номхои мустаор вориди бахс шавем ва харчики мехохем гуем, кори онхо аз руи эхсосу кори мо бо аклона?Ман вокеан ин бачаро бад мебинам,хеле одами мутакабир ва худхох аст амо гохо эътироф кардан даркор,ки на хама харфи онхо бад аст!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ого Саирандеш онкадарам андешаи сайёр надоштаи .. аз афтат маълум ки хело худатро хаким метароши аммо дар чашми чумхур ин суханон хаканд ва дар хакикат хам хаканд.. ин Далер гапи хакро инчо навистааст ..ин мулло ба ном гапи гуфтааш худ чиноят аст .. чоплусиро бас кунед аз шумо хохиш ..фикрашро бисер пур мазмун ва дуруст ифода кардааст !!!
Посух додан
  • Рашид

  • 25 сентябр 2013 09:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин нахзатихо насли фиротгароии vbche сурия астанд доираи фахмишон хамин кадар аст касе аз тарафдороншаон як калим гуфт тамом...гуянда устод, буузург, ва хомии ислом..мемуред ботинтона кушоед худатон хайру шарра фарк кунед охир
Посух додан
  • Насим

  • 25 сентябр 2013 11:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Э кандата бизан бародар Далерчон, нуги каламат намеша бурро бошад.
Посух додан
  • MrX

  • 25 сентябр 2013 11:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин бародар Далер. дар ҳақиқат ту хеле ДАЛЕРИ
Посух додан
  • saidumar

  • 25 сентябр 2013 11:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
almuhim vojib ast ba har musulmon dar har korash va har guftorash bargardad ba asli islom ki kuroni sunat ast va ba fahmi rasul salalohu alaihi va salam va sahobagoni u dar hamon vakt hakikat khub malum meshavad
guftai manu guftai u
fahmishi manu fahmishi u
foidai shakhsi kase ast
Посух додан
  • Мулло Набот

  • 25 сентябр 2013 13:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин навишта агар назари шахсии муаллиф бошад, Мулло Хацдар хам назари шахсии худро гуфтааст. Ба мартабаи мулло Хайдар расидани ту холо фарсаххо рох аст. Навиштахоят берабту бемантиканд, Як бор худат чумлахоятро бин, то кучо мухолифат доранд.
Посух додан
  • Розик

  • 25 сентябр 2013 13:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин Далербой гапи хакка гуфтед да
Посух додан
  • Як нафр шхси боимон

  • 26 сентябр 2013 12:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Асан ба шумо бародар далер худо дар панхаш нигохад дорад ахсан ахсан ахсан
Посух додан
  • Bakhtiyor

  • 27 сентябр 2013 01:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
bisyor ham khub shud, ki janobasho qonunhoi mukholifatdoshta bo dinro qabul kard ba in vosita mo mullohoi voqeiro shinokhtem

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!