Тӯраҷон нуқта орг, торнамои хонаводагии бародарон Тӯраҷонзодаҳо, аз рӯҳониёни саршиноси Тоҷикистон рафтан ба боғҳоеро, ки дар дохилашон хондани намоз манъ мебошад, ҳаром хондааст.

Хайриддин Бобоҷонов, сардори Хадамоти давлатии назорат ва танзим дар соҳаи нақлиёт, аз интизоми ронандаҳои нақлиёти таксӣ дар Хатлон интиқод намуда, онро муъҷиби нороҳатии мусофирон, садамаҳо ва ворид нашудани маблағ ба буҷа арзёбӣ намуд.

Дар вилояти Челябински Русия ду шаҳрванди Тоҷикистонро ба иттиҳоми мошиндуздӣ боздошт кардаанд.

Раиси Донишгоҳи давлатии Хуҷанд мегӯяд, гунаҳкории Ҷаннат Усмонова, устоди факултаи забон ва адабиёти руси Коллеҷи омӯзгории ин донишгоҳ дар мавриди ришвагирӣ пурра собит нашудааст.

Хадамоти санитарию эпидемиологии Тоҷикистон мегӯяд, 4 сокини ноҳияи Панҷакент ва 2 сокини ноҳияи Айнӣ ба бемории сухтанӣ ё худ сибирская язва гирифтор шудаанд.

Кумитаи ҳифзи муҳити зисти Тоҷикистон мегӯяд, оби кӯли «Сарез», ба 5,5 миллион нафар сокини минтақа хатар дорад.

“Тоҷиксуғурта” мегӯяд, ҷуброни фавти вуҳуш дар Боғи ҳайвоноти шаҳри Душанберо пардохт намекунад, чун ин боғ бима пардохт накардааст.

Дар нимсолаи аввали соли ҷорӣ аз Донишгоҳи славянии Русия ва Тоҷикистон зиёда аз 100 нафар донишҷӯ хориҷ шудаанд, ки ҳамагӣ 15 фоизашон тариқи шартнома таҳсил мекардаанд.

Вазорати умури дохилии Тоҷикистон таъйид намуд, ки бо иттиҳоми ҳамла ба “Агроинвестбонк” чанд нафарро боздошт намудаанд, аммо аз додани иттилои бештар дар ин бора ба далели идомаи тафтишот худдорӣ кард.

Сокинони Панҷакент мегӯянд, дар ҳоле сарбозони тоҷик ба ивази 30 сомонӣ дар як рӯз ба алафдаравӣ барои заминдорҳо машғуланд, аскарони узбак бемонеа аз марзи Тоҷикистон, сокинон ва чорворо рабуда, ба қаламрави худ мебаранд.

Вазорати корҳои дохилии Тоҷикистон мегӯяд, аз 8-ум то 14-уми июли соли ҷорӣ дар пайи садамаҳои нақлиётӣ дар кишвар 17 нафар ҷони худро аз даст додаанд.

Пайвандони панҷ сокини ноҳияи Панҷакент, ки ахиран аз ҷониби сарбозони Узбакистон рабуда шудаанд, аз бефаъолиятии мақомоти тоҷик шикоят доранд.

Шабакаи телевизионии «Баҳористон» дар нимсолаи аввали соли равон 8 корманди худро аз вазифа озод намудааст. Дар ин бора директори телевизион Зевар Давлатова дар нишасти хабарӣ иттилоъ дод.

Мақомоти Идораи дини вилояти Суғд мегӯянд, дар моҳи шарифи Рамазон барои адои намози таровеҳ дари чанде аз масоҷиди бастаро боз кардаанд.

Соҳибназар Раҳмонов, муовини вазири тандурустии Тоҷикистон мегӯяд, аз рӯи гуфтаҳои Асадулло Саидов, як сокини ноҳияи Рӯдакӣ, ки дар ҳузури вазир гуфт, табибон барои табобати писари мубталои сил аз ӯ пул мегиранд, ба тамоми соҳа баҳо додан дуруст нест.