Русский  >>  فارسی  >>  Якшанбе 19 май 2019, 12:13

Ваъдаи ҳукумат барои ихтисоси $100 миллион барои рушди соҳибкории хусусӣ

28 январ 2014, 12:47

Вазорати молияи Туркманистон аз ҳисоби Сандуқи тавсеа барои рушди бахши соҳибкории хусусӣ ба Бонки давлатии рушд 300 миллион манат, муодили беш аз 100 миллион доллар ихтисос медиҳад.

Turkmenistan.ru менависад, бонки давлатӣ ин маболиғро ба сифати қарзи бидуни фоиз ба бонки тиҷоратии “Рисгал” медиҳад.

Чунин тасмим дар ҷаласаи ҳукумати Туркманистон гирифта шуда, Қурбонгулӣ Бердимуҳаммадов, раисиҷумҳури ин кишвар зери қарори дахлдор имзо гузоштааст. Ба иттилои манбаъ маблағи мазкур “бо мақсади таъсиси рақобатпазирии бозори иқтисодӣ, рушди кишоварзӣ ва саноат, ҳамчунин бунёди ҷойҳои нави кор ҷудо мегардад”.

Дар санади имзокардаи президент гуфта шудааст, ки “Рисгал” аз маблағҳои мазкур ба аъзои Иттиҳоди саноатчиён ва соҳибкорон қарзҳо бо фоизи на бештар аз 1 дар сади солона медиҳад. Маблағҳо бояд барои тарҳҳои рушди саноат, чорводорӣ, паррандапарварӣ ва маҳсулоти кишоварзиву саноатӣ масраф шаванд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!