Оғози содироти барқи 2-сентии Тоҷикистон ба Қирғизистон
Ширкати “Барқи тоҷик” мегӯяд, содироти нерӯи барқ ба Қирғизистонро шуруъ кардааст.
Нозирҷон Ёдгорӣ, сухангӯи “Барқи тоҷик” рӯзи 22 май дар ин бора ба “Озодагон” хабар дода, гуфт, ҳоло дар як шабонарӯз 2 миллион киловат соат нерӯи барқ ба Қирғизистон интиқол меёбад. Ба гуфтаи ӯ, дар фасли тобистон сатҳи обанбори нерӯгоҳҳои Тоҷикистон боло рафта, ба ширкат имкон медиҳад, ки ба хориҷ аз кишвар нерӯи барқ содир кунад.
“Ҳоло дар як сония 109 метри мукааб об ба обанбори нерӯгоҳи Норак дохил мешавад ва ин, албатта, ба мо имкон медиҳад, ки ҳам обро захира кунем ва ҳам ба хориҷ аз кишвар нерӯи барқ фурӯшем”,-афзуд Ёдгорӣ.
Ҳамсӯҳбати мо илова намуд, ҳоло Тоҷикистон дар як шабонарӯз дар фасли тобистон 6 миллион киловат соат ба хориҷ нерӯи барқ мефурӯшад, ки аз ин нишондод 2 миллионашро Қирғизистон ва боқиро Афғонистон харидорӣ мекунад.
Ин дар ҳолест, ки ширкати “Электрические станция”-и Қирғизистон аз интиқоли нерӯи барқи Тоҷикистон ба ин кишвар хабар дода, гуфтааст, миёни он ва ширкати “Барқи тоҷик” рӯзи 14 май дар шаҳри Душанбе шартнома ба имзо расидааст. “Электрические станция”-и Қирғизистон мегӯяд, бар асоси ин шартнома Бишкек як киловат соат нерӯи барқро аз Душанбе бо арзиши 2 сент харидорӣ менамояд. Мақомоти Бишкек мегӯянд, дар аввал ҷониби Душанбе бар ивази як киловат соат нерӯи барқи худ 2,5 сент талаб намудаанд, ки дар пайи гуфтушунидҳо то 2 сент поин бурда шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |