(АКС) Ҳаводиси Хоруғ аз нигоҳи сокинони маҳаллӣ ва зикри хатоиҳои ВКД

Сокинони маҳаллии Хоруғ ҳаводиси 21-уми майро шарҳ дода, қисмате аз иштибоҳҳо дар иттилоияи ВКД-ро зикр кардаанд.

Сокинони маҳаллӣ мегӯянд, ҳаводиси рӯзи 21-уми май чунин сурат гирифтанд:

1: Соатҳои 11:00 ва 11:15 мошин бо Мунаввар Душанбиев, Фарайдун Абдурасулов ва Худоихонов Собир аз назди варзишгоҳи марказӣ тарафи ШКД ҳаракат мекард. Эҳтимолан ҳаракати ин мошин зери назорат буд. Сокинони маҳаллӣ таъкид мекунанд мошини Мунаввар ва ҳамроҳонаш "Мерседес S-Класс" буд, на ҷипи сиёҳ, ки ВКД дар иттилоияи расмияш паҳн кардааст.

2. Вақте ин мошин ба бинои ШКД наздик шуд, аз дарвозаи он мошини Камаз баромада, роҳро баст.

3. Аз тарафи гузаргоҳи ШКД маъмурини мусаллаҳ баромада, роҳро аз тарафи боло низ маҳкам карданд ва мошинро дар иҳота гирифта, тирборон кардаанд. Гуфта мешавад, яке аз кормандони ШКД аз тири маъмурини ОМОН маҷруҳ шудааст, чун ба гуфтаи сокинон Мунаввар ва ҳамроҳонаш силоҳ надоштаанд.



4. Баъди тирборон мақомот Мунаввару Фрайдуни маҷруҳ ва Собири куштаро ба ШКД дароварда, паси чанде мардум ва роҳгузарҳо ҷамъ шуда, раҳоии онҳоро талаб кардаанд.

5. Баъдан мошини ёрии таъҷилӣ омада, маҷруҳонро ба беморхона бурд. Дар пайи ин издиҳом ҷамъ гардида, бесарусомонӣ оғоз гардид. Биноҳои додгоҳ, пулис ва додситонӣ оташ зада шуданд.

6. Вақти сӯхтори ШКД-и Хоруғ маъмурин оташ кушоданд, ки дар натиҷа Иброҳим, донишҷӯи соли 2-юми донишгоҳи Хоруғ маҷруҳ шуда, ба ҳалокат расид. Сокинони маҳаллӣ таъкид мекунанд, ки Вазорати умури дохилӣ дар шарҳи расмияш иштибоҳан Гаваҳар, бародари калонии Иброҳимро ном бурдааст.

Шарҳи расмии Вазорати умури дохилии Тоҷикистон дар бораи тирпарронии Хоруғ

Мӯҳр