Русский  >>  فارسی  >>  Душанбе 17 июн 2019, 22:28

Муҳиддин Кабирӣ дар парлумон: “Ҳамла ба вакил таҷовуз ба сохтори давлатӣ аст” (ВИДЕО)

11 июн 2014, 11:28

Ҳумайрои БАХТИЁР

Муҳиддин Кабирӣ, вакили парлумон ва раиси Ҳизби наҳзати исломии Тоҷикистон, рӯзи 11 июн дар ҷаласаи навбатии Маҷлиси Намояндагон ҳамлаи як гуруҳ бо тухму помидор ба ӯ ва тарфдоронаш дар шаҳри Кӯлобро дар миён гузошт. Ӯ гуфт, “ин ҳамлаи тарҳрезишуда, ҷинояти созмонёфта ва дастдарозӣ ба вакили парлумону сохтори ҳукуматист”.

Оқои Кабирӣ дар оғози сӯҳбаташ гуфт, “вақте имрӯзҳо дар бораи ҷашни ваҳдат суҳбат мекунем, баъзе аз дӯстон хостанд, як тарафи сулҳ, як ҳизби сиёсиро табрик кунанд, ки ташаккур мегӯем. Вале ҷиддӣ бигӯем, ин ҷиноят буд. Ҷинояти созмонёфта. Ҷиноят зидди як шахс не, зидди сохтори давлатӣ буд. Дастдарозӣ ба вакил дастдарозӣ ба сохтори ҳукуматӣ аст. Аз сохторҳои қудратӣ хоҳиш мекунам, аз ин зовия ба ҳодиса баҳогузорӣ кунанд. Ин дархости шифоҳии мо расман ба Додситонии кулл расонда шавад.”



Раиси Ҳизби наҳзати исломии Тоҷикистон дар идома афзуд, “як гуруҳ аз ҳеч кас ва ҳеч қонун тарс надоранд, барояшон оромиву сулҳ аҳамияте надорад ва ҳар чизе хоҳанд, анҷом медиҳанд. Ин кор тасодуфӣ нест. Ин паёмро ба мо, ба ҷомеа фиристоданд ва нигарони ман ҳам аз ҳамин аст. Агар ҳадафи мо ҳангома кардан мебуд, дар дафъаҳои гузашта низ ҳангома мекардем. Вақте муовини раиси пулиси як ноҳия ба вакили парлумон гуфт, агар наравӣ, дасту поятро баста мебарем. Вале мо ҳангома накардем. Ба хотири сулҳу субот. Гуруҳҳое, ки авбошсифат ҳастанд, аз сабри парлумон, ҳизбҳои сиёсӣ ва мухолифон истифодаа мекунанд, инро заъфи мо ҳисоб менамоянд. Ҳар чи қадар мо фарҳанги сиёсиро нишон диҳем, онҳо ҳамон қадар далертар мешаванд. Чигуна мешавад, ки як гуруҳи авбош, ки зан ҳаст, ҷавон ҳаст, ба сари вакил, ба дафтари ҳизбҳои сиёсӣ ҳамла мекунанд. Ҳатто президент ҳам дар ин бора мавқеи худро ошкор нагуфтанд, то инҳо ба ҷазо кашида шаванд. Шояд вақти он расидааст, фаҳмонда шавад, ки вакилон, ҳизбҳои сиёсӣ соҳиб доранд. Ман хоҳиш мекардам, вакилону парлумон ҷиддӣ қабул кунанд. Ҳодисаҳои солҳои навадумро ба ёд биёред, аз гаравгонгириву латту кӯби вакилон сар шуда буд. Набояд ин иштибоҳ дигар такрор шавад.”

Муҳиддин Кабирӣ дар ин сӯҳбаташ дар парлумон аз созишномаи сулҳи тоҷикон ҳам ёдоварӣ кард ва гуфт, “барои миллат сулҳ кардем ва гуфтем, фаромӯш шуд, дигар кинаву кудурат нест. Дар созишнома навиштем, ғазаби Худо ва лаънати Худо ба касе бод, ки он ҳодисаҳоро ёдовар мешавад барои сиёҳ кардани якдигар. Вале чӣ шуд, ки вазъ якбора тағйир хӯрд? Мо якдигарро бахшидем. Даҳ ҳазор муҷоҳидро ба давлат бахшидем, ки то ҳол марзу бумро аз душманон муҳофизат мекунанд. Мо ягон ҷиноят кардем, камбудӣ кардем? Агар ба мо мантиқона бифаҳмонанд, ки ҲНИТ замоне барои миллат, барои сулҳ даркор буду ҳоло ба амнияти Тоҷикистон хатар дорад, мо менишинем бо хоҳарону бародарон, маслиҳат хоҳем кард, қабул хоҳем кард. Вале бо ин роҳу услуб намешавад. Сиёҳ кардан, наворҳо. Чи гуна давлат наметавонад пеши роҳи ин ҳамаро бигирад? Оё намешавад, ки пеши роҳи онҳо гирифта шавад? Агар мақомоти мо ин қудратро надоранд, пули мардумро барои чӣ мегиранд? Ин ду сабаб дорад, ё аз уҳдаи кор намебароянд ва ё худашон шариканд. Варианти севум вуҷуд надорад.”

Оқои Кабирӣ аз вакилон барои он ки сӯҳбаташ, ба гуфтаи ӯ, андаке тӯлонӣ шуд, маъзаратхоҳӣ кард ва гуфт, ин ҳарфҳо бояд дер ё зуд гуфта мешуданд. “Эҳсоси масъулият кунем, то ин сулҳу ваҳдат аз байн наравад, заиф ншавад. Баръакс, таҳким бахшем. Мо омодаем, аз мо парҳез накунанд, нагурезанд. Дар ҳамин даҳ рӯзе, ки то ҷашни ваҳдат мондааст, парлумон ба мардум паёми умедворкунанда диҳад. Мардум бовар кунанд, ки сулҳу ваҳдат пойбарҷост ва ҳеч кас даст накашидааст. Иҷоза надиҳем, ки душманон аз ин ихтилофҳо истифода кунанд. Як гуруҳ коре карда истодаанд, ки президент дар чашми қисме аз мардум сиёҳ шавад ва президенти мардумӣ муаррифӣ нагардад. Бояд душманони сулҳу ваҳдатро дар дохили оппозитсия наҷуст”,-таъкид дошт.



Рӯзи 10 июни соли ҷорӣ, баъд аз сӯҳбати Муҳиддин Кабирӣ бо ҷавонони Кӯлоб, ки дар ҳавлии раиси дафтари ҲНИТ дар минатқа баргузор шуд, гуруҳе аз соикнон бо тухму помидор ба онҳо ҳамла оварданд. Ба иттилои масъулони ҲНИТ, ҳангоми беруноии иштирокдорони вохӯрии Муҳиддин Кабирӣ бо ҷавонон бархе аз сокинон ба онҳо ҳамла карда, сӯяшон тухми мурғу помидор партофтаанд.

Ҳикматуллоҳ Сайфуллоҳзода, сардабири нашрияи ҳизбии “Наҷот” мегӯяд, масъулони ҲНИТ дар Кӯлоб ҳузури кормандони амниятиро миёни афроде, ки ба Муҳиддин Кабирӣ ҳамла кардаанд, шинохтаанд. Ба гуфтаи Сайфуллоҳзода, гӯиё дар роҳи баромади корвони мошинҳои ҳайати ҲНИТ ба шоҳроҳ тамбаи сунъӣ эҷод карда шудааст, то ҳамлагарон ба ҳадафи худ бирасанд: “Теъдоде аз мошинҳо роҳро банд карданд, то ба роҳ баромадани мошинҳои ҳайат ба таъхир уфтад ва эҳтимол вуҷуд дошт, ки ҳамлаварон аз дигар ашё низ кор бигиранд.”

Муҳиддин Кабирӣ дар ҷаласаи рӯзи чоршанбеи Маҷлиси Намояндагон барои суҳбат иҷоза хост, то ҳодисаро шарҳ бидиҳад. Бори аввал Шукурҷон Зуҳуров, раиси парлумон, гуфт, дар ин бора бо Рамазон Раҳимзода, вазири умури дохилӣ суҳбат кардаасту ҳоҷат ба баёни он нест. Аммо вақте раиси ҲНИТ бори дувум барои суҳбат иҷоза пурсид, аксари вакилон ризоият доданд ва Зуҳуров низ мухолифат накард. Аммо раиси парлумон пеш аз шунидани ҳарфҳои Муҳиддин Кабирӣ дар бораи ҳамлаи як гуруҳи сокинон бо тухму помидор ба ӯ ва тарафдоронаш дар Кӯлоб, ба вакилон даҳ дақиқа танаффус дод. Ӯ гуфт, ҳоло як занги муҳими телефонӣ дорад ва баъд аз анҷоми суҳбаташ оқои Кабириро гӯш хоҳанд кард.


Шарҳи худро бинависед:

Ном:*
E-Mail:
Матни шарҳ:
Посух додан
  • бобо

  • 11 июн 2014 11:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хочат ба ягон гап нест бо шумохо.
Дига шумо маълум кардед, ки чи гап асту ки хастед.
Нахзатихо биёед элон кунед ки бароятон дар биёбонхои дангара замин чудо кунанд рафта хамончоро обод мекунеду ба сиёсати инхо то 3 соли оянда кор намегиред, кани бинем чикор мекнан. Хадафи ин гурух ба правакатсия кашидани шумо аст. Неки шумо сабртон кати хамаи барномахои инора бахам задед.
Посух додан
  • .

  • 11 июн 2014 11:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Килои помидор 5 сум, як дона тухм як сомони. мардуми кулоб ин кадар бой шудаанд, ки тухму помидоршаппак кунанд?
Посух додан
  • Джодж

  • 11 июн 2014 12:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
А бача, и доктор Абдуллора бо ду мошини пури бомба задан парво надораву,
Посух додан
  • Я

  • 11 июн 2014 12:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ГОСПОДИН КАБИРИ, ЖЕЛАЮ ВАМ УСПЕХОВ НА ДОБРЫЕ ДЕЛА.
Посух додан
  • бе ном

  • 11 июн 2014 12:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои чи ин хел рафтор кадан??????
Посух додан
  • Шохин

  • 11 июн 2014 12:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кори нагз накадед мардуми минтакаи Кулоби Бостони Шуморо хамчун мардуми бонангу номус мешиносанд. Аз ин кор хеч кас обуруй намегирад. Кабири худ як нафар мусулмон аст Мо низ мусулмон хастем, мешуд хаминро бо рохи маслихатомез хал намудан, гуш медодед, ки чи мегуяд чи максад дорад. Кабири шахси бисёр бомаърифат хаст ба фикри ман ягон шахс сокини ин кишвар намехохад, миллаташ боз сарсону овора гардад, Хама барои пешравии кишвари худ талош меварзад. Агар Кабири рохбари ХНИТ намебуд, бо ин донишу хислатхои хуби инсони ба ягон макомоти баланди рохбарият сазовор мегардид.
Посух додан
  • Мурод

  • 11 июн 2014 12:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман бовари надорам, ки халки Кулоб ба ин кори нангин кодир бошанд. Ин боз як игвои номардонаест, ки бо ин рох мехоханд халки Кулобро паст зананд. Кабириро дар тамоми минтакаи Кулоб хамчун як фарди босавод, бомаърифат, инсондуст мешиносанд ва хурмату эхтиром мекунанд. Бо ин кори як ду хари бесавод, ки лаганбардори ягон хочаи беакланд халки Кулобро дар Чумхури паст назанед!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Окои Мухидин фикру андешахои хама як нест агар як мишуд имруз чахони ислом медонед чи мешуд? Давлатои гарбро бинед чи кор мекунанд мардумаш! Хохиш мекунам тема карда накунед чи фоида аз гуфтушунидхо бо халк хуб мешуд як праграмае ташкил мекардед ки мардумро бо чои кор таьмин мекардед кам хам бошад ин бехтар мешуд
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шоир мегуяд ки,
Зиндаги гар довари як руй боши пас чаро,
Аблахе аз бом афтад гардани мо бишканад,

Барои хами Мо як гурух бародарон аз шахри Кулоб аз Устод Мухиддин Кабири узр мехохем ва гуфтанием ки Огои Мухиддин.. дониста гиред ки,мардуми Кулобшахр мехмондустдор аст, ва агар хамлае ки бар шумо кардан агар аз чониби худи мардуми Кулоб мебуд,шуморо бо тухму помидор не балки бо Ярок хамла мекарданд....барои хамин аз хамаи хонандагон илтичо дорем ки аз пушти якчанд аблахон мардуми Кулобшахро бадкор ва Бадбахт нахисобанд...Ин кор алакай маълум аст ки аз чониби ки сар задааст.
Посух додан
  • ГАРИБ

  • 11 июн 2014 13:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои як сомонаи бонуфуз айб аст, ки сифати видео-хояш паст бошанд, ташаккур барои дикататон
Посух додан
  • АМИР

  • 11 июн 2014 13:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар М.Кабирй ва аъзоёни нахзат! Оё Шумо дар хакикат намедонед, ки ҲНИТ ба амнияти Тоҷикистон хатар дорад? Оё Шумо намедонед, ки Точикистон ба Шумо барин хизб ниёз надорад? Оё Шумо намедонед, ки душманони давлатдории точикон бисёр мехоханд аз хузури Шумо истифода бурда Точикистонро ба чанги дуюми шахрвандй кашанд? Оё Шумо намедонед, ки хизбе мисли Шумо дар Миср ин кишварро ба чи балохо кашид? Пас, бори дигар бидонед, ки ХНИТ ба амнияти Тоҷикистон хатар дорад! Агар якпорчагии ва ягонагии давлати Точикистонро хохед, пас хизбро пароканда кунед!
Посух додан
  • Инсон

  • 11 июн 2014 15:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Одами паст хамачо барои истифода ёфт мешавад. Мардуми Кулоб рабте ба ин ахмаки надорад.
бобо,
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мо бо чашми худ дидем, ки ин гурух аз Кулоб набуданд. Мо фикр кардем, ки инхо мусофиранду ба Бадахшон ё ба Ховалингу Муъминобод мераванд. Ин аст хулосаи мо чавонони кулобй. Даркор шавад он гурухро аз таги замин меёбем. Рангу руяшон офтобзада буд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
АМИР,
Фарз кардем, ки Кабирӣ ҳизбашро барҳам дод ва ҳама хона ба хона рафтанд.... Пас Ҳизби халқӣ - демократӣ бо кӣ рақобат мекунад???? Ҳизби Кабирӣ хатар дорад.... Ҳизби Раҳматулло Зоиров хатари ҷиддӣ дорад.... Ҳизби демократии Тоҷикистонро зада майда - майда кардед ва пасмондааш низ агентони ИМА ва Иттиҳоди Аврупоанд... Ҳизби сосиалистӣ ва ҳизби комунист магас барин қадр надоранд... Нафаре мехост бо роҳи қонунӣ як ҳизби равшанфикрони замонавӣ ташкил бикунад, гирфтеду ба умқи зиндон афгандед. Аз тарс!!! Ҳамин тавр не, муҳтарам? Акнун чӣ мехоҳед? Мехоҳед, ки бо як ҳизби яккатоз бимонед ва худам шоҳу таъбам вазир??? Яъне мисли замони диктатураи Шуравӣ? Аслан, шумо аз ягон чиз шарм медоред? Беҳтар нест, ки яке якбора бигиреду, ҳамаи аҳзоби мухолифинро бибандед, бо як амр! Охир, шумо метавонед, чаро ин корро намекунеду ҳамвора аз хизмати дузду ғару кампиру авбошони сари кӯча, ки салоҳашон тухми палағда ва помидори пусидаанд, истифода мебаред? Иродаат бардошт мекунад ба ин саволҳо ҷавоб бидиҳӣ?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом алейкум ба радиои Озодагон.Аз Шумо хохиш менамоям,то ки наворхоятонро дар шабаки ютуб пахш намоед.Чунки дар давлате ки ман холо карор дорам бисёр ба душвори метавонам дид ин наворхоро.Ташаккур.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!