01 авг 2014 09:32Тоҷикистон / Иҷтимоӣ

Додгоҳи олӣ ҳукми Садриддин Тошев ва Суннатулло Ризоевро ғайриқонунӣ донист (ВИДЕО)

Додгоҳи олии Тоҷикистон қарори додгоҳи шаҳри Хуҷанд алайҳи Садриддин Тошев ва Сунатулло Ризоев -- ду маҳбуси тоҷикро бекор карда, парвандаашонро барои баррасии дубора фиристодааст.

Дар ин бора ба “Озодагон” Файзиннисо Воҳидова, вакили мудофеи Садриддин Тошев, хабар дод. Ӯ афзуд, “Додгоҳи олӣ ба хулоса омадааст, ки ҳукми суди шаҳри Хуҷанд ва қарори суди вилояти Суғд дар мавриди ин ду маҳбус ғайриқонунӣ буда, нисбат ба онҳо қонуни ҷиноӣ нодуруст татбиқ гардидааст.”

Додгоҳи шаҳри Хуҷанд рӯзи 18 октябри соли гузашта Садриддин Тошев ва Сунатулло Ризоев, ду маҳбуси муттаҳам ба паҳни иттилои бардурӯғ дар бораи шиканҷаи зиндониёнро, мутаносибан ба 7 ва 9 соли зиндон маҳкум карда буд. Он замон Файзиннисо Воҳидова аз ин ҳукми додгоҳ норизоӣ карда, гуфта буд, ба зинаҳои болотар шикоят хоҳад бурд. Ба қавли ин вакили мудофеъ, “додрас барои ҷудо кардан мӯй аз хамир ягон заҳмат накашидааст. Қарорро аз рӯи хулосаи айбдоркунии мақомоти тафтишоти пешакӣ рӯйбардор кардааст."

Садриддин Тошев ва Суннатулло Ризоев барои паҳн намудани тақрибан ҳафт навори видеоие, ки дар бораи шиканҷаи зиндониёни Хуҷанд нақл мекунад, айбдор шуданд. Ин ду нафар ҳамроҳи як гуруҳ маҳбусон тирамоҳи соли гузашта, дар пайи марги мармузи Ҳамза Икромзода, як сокини ҷавони Ҳисор, дар зиндони рақами яки Душанбе ба Хуҷанд интиқол ёфтанд. Баъд аз ин навори видеоие дастраси расонаҳо шуд, ки дар он ин гуруҳи маҳбусон аз шиканҷа дар зиндонҳо шикоят кардаву захмҳои бадани худро намиш медиҳанд. Мақомот ин видеоро сохта дониста, Тошев ва Ризоевро барои паҳни гӯиё иттилои бардурӯғ дар бораи шиканҷаи зиндониён ба додгоҳ кашиданд.

ВИДЕОИ САДРИДДИН ТОШЕВ:

Мӯҳр

Хабарҳои монанд:

тач_ишан

Зулмам хад доштагист . Иншаалох шумо низ мебинед

Ҷавоб диҳед Иқтибос Шикоят

Mahmadullo

Ин бедодгари то ба кай???? барои рост гуфтану хакикатро нишон додан одамонро ба ин ахвол оварда расонидан то ба кай??? ба гайр аз Худованд ба доди мардум ки мерасида бошад??? Барои чи хукукхои мардум химоят намешаванд??? Мо мардуми точик хамон подаи говонеро мемонем ки ба кучое моро равона созанд рафта истодаем.........бо хамин ахвол пешрави аз кучост??? Вой бар холи мо.........

Ҷавоб диҳед Иқтибос Шикоят

ватан

хамои горкунони орган кадометки ин авхолро мебинеду медрнеду чашм мепушед чазои шумро иншоалох худо медихад.

Ҷавоб диҳед Иқтибос Шикоят

Эзоҳ илова кунед