Турсунбой Боқир уулу парчами Исроилро пора кард ва гуфт...
Дар Қирғизистон кумитаи ҳимоят аз мардуми Фаластин таъсис ёфтааст. Дар ин бора Турсунбой Боқир уулу, вакили Жокоргу Кенеш, рӯзи 4 августи соли ҷорӣ тайи як нишасти хабарӣ иттилоъ дод.
Ин кумита дар ҳоле таъсис ёфтааст, ки ба қавли Боқир уулу аксари тарафдорони Фаластин намедонистанд кумак ва ҳамраъйии худро аз кадом роҳ ба онҳо бирасонанд. “Мо наметавонем дар масъалаи Фаластин худро канор бигирем. Дари кумита барои ҳама боз аст”,-гуфт ӯ.
Вай ёдоварӣ кард, ки давлати Исроил соли 1947 чӣ гуна бо қарори Ассамбелеяи генералии Созмони Милал дар қаламрави Фаластин таъсис ёфтааст. “Аз ҳамон вақт ба ин сӯ мухолифатҳо идома доранд. Исроил барои озодии худ заминҳои Фаластинро ишғол мекунад. Ҷанги ҳозира аз он сар зад, ки се ҷавони исроилӣ кушта шуданд, ҳарчанд касе онро дақиқ накардааст. Аз барои ҳамин се ҷавон ҳоло 1 ҳазору 800 нафар кушта шудаанд. Мумкин аст, онҳо худашон ин корро карда бошанд. Ёд доред, Ҷанги Дувуми Ҷаҳон чӣ гуна сар шуда буд?”,-изҳор дошт Турсунбой Боқир-уулу.
Вай илова кард, ҳоло ба кумитаи ҳимоят аз мардуми Фаластин дар Қирғизистон чор вакили парлумони ин кишвар шомил шудаанд. Боқир уулу дар идома парчами Исроилро даронда ва гуфт, “мехоҳам, ҳар кадоме аз узви кумита онро дар ҳоҷатхона истифода кунад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |