Қотили ноболиғи 15 сола дар Исфара боздошт гардид

Тавре ба хабарнигори маҳаллии «Озодагон» дар РКД вилояти Суғд иттилоъ доданд, зимни баргузории як амалиёти вижаи ҷустуҷӯӣ оиди     қатли ноболиги 14-сола, гумонбари ҳодиса боздошт гардид.

---

Маълум гашт, ки ҷиноятро корманди истгоҳи роҳи оҳани шаҳри Исфара, сокини 56-солаи ҳамин маҳал- Хайрулло Бобоев содир намудааст.

Гуфта мешавад, Бобоев рӯзи 9 сентябри соли ҷорӣ, тахминан соати 01.30 нисфишабӣ  дар наздикии заминҳои ҳоҷагии деҳқонии «Истофараҳ», ноболиғ Дониёр Ҷӯраев, хонандаи синфи 8-умро бо каланди дар дасташ буда, ба сараш задааст. Дар натиҷа писарбача аз ҷароҳати ҷисмонӣ ба ҳалокат расидааст.

Ёдрас менамоем, рӯзи 9-уми сентябри соли равон дар канори роҳи мошингарди ҷамоати «Шаҳрак»-и ноҳияи Исфара ҷасади ноболиғ  дарёфт шуда, сабаби марги ӯро ташхискунандагон дар ҷароҳати қисми сар муайян карда буданд.Сараввал оиди ин ҳодиса бо моддаи 110 қисми 3 ( қасдан расонидани зарари вазнин ба саломатӣ, ки аз беэҳтиётӣ сабаби марги ҷабрдида гардида бошад)-и КҶ ҶТ парвандаи ҷиноӣ оғоз карда буданд.Прокуратура ин моддаро бекор карда, бо моддаи 104 қисми 1 (куштор)-и КҶ ҶТ парвандаи ҷиноӣ оғоз карда, тафтишот идома дорад.{jathumbnail off}

Мӯҳр