29 ноя 2014 08:45Оcиёи Марказӣ / Тоҷикистон

Ҷавоби як корбари Фейсбук ба “намедонам”-и раиси “Барқи тоҷик”

Як корбари Фейсбук баъди он ки раҳбари ширкати “Барқи тоҷик” дар парлумон гуфт, намедонад, нархи истифодаи барқ дар кишварҳои ҳамсоя чи қадар аст, арзиши истифодаи нерӯи барқ дар бархе кишварҳои минтақаву ҷаҳонро нашр кардааст.

Рустам Раҳматзода, раиси ширкати “Барқи тоҷик” зимни суханронӣ дар парлумон, рӯзи чоршанбеи 26 ноябр таъкид кард, миёни кишварҳои пасошӯравӣ ё худ СНГ аз ҳама нерӯи барқи арзон дар Тоҷикистон аст, аммо дар посух ба суоли Шукурҷон Зуҳуров, раиси палатаи поёнии парлумон, ки нархи нерӯи барқ дар кишварҳои ҳамсоя чи қадар арзиш дорад, натавонист ҷавоб гӯяд.

Рустам Мирзоев, як ҷавони тоҷик дар саҳифаи Фейсбуки худ нархи истифодаи 1 кВт нерӯи барқ дар чанд кишварро бо пули миллии Тоҷикистон нишон додаву дар шарҳи он навиштааст: “Ҳамин маълумотро ба раиси “Барқи тоҷик” расонед, то бидонад ва нагӯяд, ки "НАМЕДОНАМ”.

Ба маълумоти ӯ, ки нагуфта онро аз куҷо дастрас кардааст, Дар Туркманистон аҳолӣ барои истифодаи барқ пул намесупоранд. Ҳаққи истифодабарии 1 кВт соат барқро дар Қирғизистон 6 дирам ва дар Тоҷикистон 12 дирам нишон додааст. Дар Қазоқистону Узбакистон 15 ва дар Русия 35-40 дирам будааст. Ба ин тариқ ба иттилои ҷаноби Мирзоев, дар Арманистону Озарбойҷон арзиши истифодаи нерӯи барқ 30 дирам, дар Украина 20-25, Белорус 35-38, Олмон 1.30, Дания 1.50 ва Туркия- 65-70 мебошад.

Мӯҳр

Хабарҳои монанд:

Аҳмад

ҳамеша ҳукуматдорон ҳамин ҷумлаи такрориро мегуянд ки тар Тоҷикистон нархи барку обу ва ва ва арзонтар аз дигарҷо аст ҳарчанд ки ин гап ҳам дар бештари мавридҳо дуруғ аст аммо як рузноманигори бо ҷуръат пайдо намешавад ки дар ҳамон канфронси хабарӣ аз ҳукуматдор пурсад ки агар ҳам дар фалон кишвар қимат аст оё ба ин фикр карданд ки дар ҳамон кишвар камтарин маош чанд аст оё фикр карданд ки як пенсиянер онҷо чанд мегираду инҷо чанд?" чаро дар баробари ин гапашон инро ҳам намегуянд ки камтарин маош дар Тоҷикистон аст бо болотарин суди бонкӣ?!

Ҷавоб диҳед Иқтибос Шикоят

далер

Хози агар мепурсид ки ба ахоли чанка мефурушанду ба корхонахои шахсиву давлати бафикрум хамирам намедонист Ма дар чои хамин раис мешудум аз вазифа мерафтум

Ҷавоб диҳед Иқтибос Шикоят

Эзоҳ илова кунед