20 апр 2016 16:15Тоҷикистон / Иҷтимоӣ / Муҳоҷир

Шарҳи расмии “разбор”-и маргбори тоҷикону қафқозиҳо дар Маскав

Сафорат ва намояндагии Вазорати меҳнат, муҳоҷират ва шуғли аҳолии Тоҷикистон дар Русия ба “Озодагон” иттилоъ доданд, ки дар муноқишаи тоҷикон бо қафқозиҳо як ҷавони тоҷик кушта шуда ва як нафари дигар захмӣ шудааст.

Тибқи иттилои сафорати Тоҷикистон, ин задухӯрд шоми 19 апрел дар шаҳри Маскав миёни тоҷикон ва шаҳрвандони қафқозтабори Русия рух додаст: “Дар пайи муноқиша шаҳрванди Тоҷикистон Шоимов Рамазони 24-сола, зодаи ноҳияи Ёвон, аз зарби корд ба ҳалокат расида, ҷавони дигари тоҷикистонӣ, Сармонов Рӯзибек Бойназарович бо ҷароҳатҳои ҷисмонӣ дар беморхонаи Склифасовский бистарӣ шудааст”.

Манбаъ афзуд, кормандони Сафорат ва Намояндагии Вазорати меҳнат, муҳоҷират ва шуғли аҳолии Тоҷикистон бо муфаттишони қазия мулоқот карда, муайян намудаанд, ки феълан ду муттаҳам дар ин ҷиноят дастгир шудаанд.

Намояндаҳои расмии Тоҷикистон дар Русия мегӯяд, аз ҳоли Рӯзибек Сармонов дар беморхона хабар гирифтаанд: “Айни замон шаҳрванди маҷруҳшудаи Тоҷикистон аз табобати лозимиро гирифта истодааст”.

Қаблан манобеи “Озодагон” хабар доданд, ки задухӯрд дар минтақаи Брилёвои Маскав баъди он сар задааст, ки қафқозиҳо аз Рамазон Шоимов маблағ талаб кардаанд: "Аммо ӯ саркашӣ карда, Сармоновро ба кӯмак даъват мекунад. Ин муноқиша бо кордзанӣ анҷомидааст".

Дар акс Рӯзибек Сармонов

Мӯҳр

Хабарҳои монанд:

nabi farhor

Хамин хел хомуш истодан гирем аз ин да бадтар мешавад хуб не.Дар ин чо разбор нею дузди рохзани аст.Чи хел аз чавони точик руи рост пул талаб мекардаян.Аввалан мухочирон хучатхои лозимаро доранд ва патент низ доранд.Чарото ин ждарача,дар хафтахои охир хондам бисёр чавонони точикро аз Россия часадашонро равон карданд.

Ҷавоб диҳед Иқтибос Шикоят

Кухистони

Мухтарам Чаноби Раиси Чумхур! Акнун ба Точикхо дар Россия чой нест. Хо хомуш истеду хох не , акнун андеша кунед ва мардума дар ватан сарчамъ кунед. Як бор сарчамъ кардед ва баъд пароканда кардед акнун агар тавонед боз чамъ кунед ва нобудшавии чавононро хотима дихед.

Ҷавоб диҳед Иқтибос Шикоят

Бадбини Китобнависон

Салом ба кули хонандагон.
эх вой ватанам вой ватандорони берун аз ватанам!!! инчо мо дар кайфу сафо хар руз китоб чоп мекунему ончо ноноварони моро мекушанд. ё корду тир мезананд. боз аламовараш кабрамонро худамон меканем онхо зинда дар гурамон мекунанд! эх вой!

Ҷавоб диҳед Иқтибос Шикоят

Эзоҳ илова кунед