18 авг 2016 08:46Тоҷикистон / Иҷтимоӣ / Тема дня

10 сол ҳукми ронандаи “БМВ-530”, ки дар Хуҷанд 5 нафарро пахш кард

Додгоҳи шаҳри Хуҷанд ронандаеро, ки бо мошини “БМВ-530”-аш 5 нафарро пахш намуд, 10 сол равонаи зиндон кардааст. Дар ин бора манбаи “Озодагон” аз Додгоҳи шаҳри Хуҷанд хабар дод.

4 майи соли равон, тахминан соати 16:30 дақиқа, дар сероҳаи кўчаи Аминҷон Шукўҳӣ ва Исмоили Сомонӣ, воқеъ дар рў ба рўи Донишгоҳи давлатии тиҷорати Тоҷикистон дар шаҳри Хуҷанд Фирўз Ҷалолов, ронандаи 35-солаи мошини “БМВ-530” 5 пиёдагардро пахш кард. Дар пайи садама 3 нафар ба ҳалокат расида, 2 каси дигар маҷруҳ шуд. Ҷалолов, ронандаи “БМВ-530” баъди садама иддао кард, ки 7 сол инҷониб мубталои бемории саръ ё “эпилепсия” мебошад ва замони вуқӯи садама он хуруҷ кардаву чизеро дар ёд надорад. Аммо Ашӯрбой Содиқов, сардори шӯъбаи тафтишоти Раёсати умури дохилии Суғд рӯзи 14 июл дар нишасти хабарии ин ниҳод дар посух ба суоли хабарнигори “Озодагон” дар ин бора гуфт, Ҷалолов воқеан ба бемории саръ гирифтор аст, аммо ин касалӣ сабаби садама нашудааст: “Мо дар вақти тафтишоти пешакӣ муайян кардем, ки сабаби асосии ба садамаи нақлиётӣ дучор шудани Ҷалолов ин гуфтугў бо телефонӣ мобилӣ мебошад”.

Зимнан, тибқи иттилои Дафтари матбуоти Шуъбаи БДА-и Раёсати ВКД дар вилояти Суғд, тайи 6 моҳи соли равон дар қаламрави шимоли кишвар 139 садамаи роҳу нақлиётӣ ба қайд расидааст, ки дар пайи он 53 нафар ҳалок ва 141 каси дигар ҷароҳатҳои гуногуни ҷисмонӣ бардоштаанд.

Мӯҳр

Хабарҳои монанд:

Раҳматҷон

Барои вақте писари Ҳукумов з нафарро ба шаҳодат расонд ба 150 соминӣ ҷарима озод шуд????.. фикр кунам ронандаи BMW аз авлод ё наздикони Раиси Ҷумҳур набудааст ва гар на бо 200 сомонӣ раҳояш мекарданд

Ҷавоб диҳед Иқтибос Шикоят

roman

дуруст гуфтаст ки эпилепсия дорад - одами соз дар сари рул бо телефон гап намезанад - дар 1-3 сония садам руй медихад - яъне факат барои гирифтани телефон аз киса е чавоб додан ба занг

Ҷавоб диҳед Иқтибос Шикоят

Эзоҳ илова кунед