24 авг 2016 16:01Тоҷикистон / Иҷтимоӣ / Рӯ ба рӯ / Видео

Сарнавишти маҳбусони раҳошуда чӣ мешавад? Шарҳи вакили Маҷлиси намояндагон (ВИДЕО)

Бахтовар Сафарзода, вакили Маҷлиси намояндагон, палатаи поёнии парлумонии Тоҷикистон мегӯяд, дар тарҳи қонуни афв ба сарнавишти маҳбусони раҳошуда низ дахл шудааст.

Ӯ имрӯз, 24 август пас аз қабули лоиҳа аз сӯйи вакилони Маҷлиси намояндагон дар ҳузури хабарнигорон гуфт, моддаҳои 18 ва 19-и лоиҳаи қонуни афв пешбинӣ кардааст, ки мақомоти иҷроияи ҳокимияти давлатии вилоят ва шаҳру ноҳияҳои кишвар барои ба ҳаёти мӯътадил баргардонидани афроди аз маҳбас озодшуда, ба онҳо кор баранд.

Ба гуфтаи Сафарзода, дар лоиҳа аз ҷумла пешбинӣ гардидааст, ки масъулини мақомоти иҷроияи ҳокимияти давлатӣ ба масъалаи ба шуғл фаро гирифтани афвшудаҳо ҷиддӣ машғул шуда, барои дар хона-интернатҳо ҷойгир намудани ноболиғоне, ки падару модар надоранд, кор баранд: “Ҳамчунин гуфта шудааст, ки барои фаро гирифтани маъюбон ва беморон ба муассиаҳои тандурустӣ мусоидат намоянд”.

Бахтовар Сафарзода мегӯяд, ин бори 15-ум аст, ки дар Тоҷикистон қонуни афв қабул мешавад. Ӯ гуфт, ҳадафи ин қонунҳо ин аст, ки ашхоси озодшуда аз кирдорҳои кардаашон пушаймон шаванд: “Онҳое, ки гумроҳ шудаанд ё аз нофаҳмӣ ҷиноят содир кардаанд, умед ба ҷамъияти солим фаро гирифани онҳо аст. Ин ба умеде ҳаст, ки шаҳрвандоне, ки гумроҳ шудаанду ҷиноят содир кардаанд, аз кирдорҳои худ пушаймон шуда, ба ҳаёти мӯътадил бармегарданд”.

Ин вакили Маҷлиси намояндагон таъкид намуд, баъди расман мавриди амал қарор гирифтани лоиҳа, давоми се моҳ бояд татбиқ гардад ва масъулин муваззафанд ба раисиҷумҳури кишвар ҳисботи бидиҳанд.

Лоиҳаи қонун “Дар бораи афв” имрӯз, 24 август дар иҷлосияи ғайринавбатии Маҷлиси намояндагон якдилона қабул гардид.

Мӯҳр

Хабарҳои монанд:

мусофир

дар озоди будаги чавонон кор намеёбанду ин афшудагизхо аз кучо меёбанд..ба меъди масъулини мақомоти иҷроияи ҳокимияти давлатӣ ба масъалаи ба шуғл шидан даркор нест , инхо дим чоихои корхои бардуругро пешниход мекунанд,

Ҷавоб диҳед Иқтибос Шикоят

Бобо

Бародар Бахтовар Сафарзода ! Аз Осмони маишат ба Замини хичолат фароед бобо. Кадом фарогири, кадом кор? Чи шояд ХХДТ хамаи онхоро бо кор таъмин мекунад. Як гапро пеш аз гуфтан фикр кун, де ПУТАТ

Ҷавоб диҳед Иқтибос Шикоят

Ачал

Боварии комил хаст, ки сарнавишти ин 12 000 махбусон, МУХОЧИРАТ аст! Онхоро туда карда барои кор кардан ва пул фиристондан ба Ватан суи Русия равон мекунанд!

Ҷавоб диҳед Иқтибос Шикоят

офтобсар

12000 бекори дигар боз баозоди мебарояд!!! Одамхури мешавад даа!!! Хама бекори бепули!!! Хаму махбас соз нест хуроки бепул чои хови бепул андоз пандоз намесупоред пули обу свет намесупоред!!!! Эх бесаводоее гуё пагах хукумат 12000 хазор нафара пагохда бурда сохиби чоикор мекунад. Аз50/1 нафар кор мекунад дар кишвар айни хол бо чилозим буд хами авф??

Ҷавоб диҳед Иқтибос Шикоят

Эзоҳ илова кунед