Тоҷикистон 916 миллион доллар қарз гирифтанист
Вазири молияи Тоҷикистон мегӯяд, то охири соли равон дар назар аст, азхудкунии маблағҳо аз ниҳодҳои молии ҷаҳон ба беш аз 241 миллион доллари амрикоӣ бирасад. Абдусалом Қурбониён ин нуктаро имрӯз, 16 ноябр зимни муаррифии Лоиҳаи барномаи қарзгирии берунаи давлатии Тоҷикистон барои солҳои 2017-2019 изҳор дошт. Тибқи ин барнома, ки вакилони Маҷлиси намояндагон онро қабул намуданд, дар назар аст, Тоҷикистон давоми се соли оянда аз хориҷи кишвар дар ҳаҷми 916 миллион доллар қарз гирад.
Барномаи қарзи берунаи давлатии Тоҷикистон барои солҳои 2017-2019, 58 барнома ва 98 созишномаи қарзиро дар бар мегирад, ки ба таъкиди вазири молия бештар ба бахшҳои маориф, тандурустӣ, кишоварзӣ ва дигар соҳаҳои хизматрасонӣ равона хоҳанд шуд. Ҷаноби Қурбониён афзуд, муҳлати қарзҳо аз 20 то 40 сол ва фоизи онҳо аз 0,15 то 2 дарсадро ташкил медиҳад.
Дар ҳоли ҳозир қарзи берунаи кишвар ҳудуди 2 миллиарду 276 миллион доллари амрикоиро ташкил медиҳад ва ба қавли вазири молия ҳаҷми он ба 35,6 дарсади Маҷмӯи маҳсулоти дохилии кишвар баробар мебошад.
Шукурҷон Зуҳуров, раиси Маҷлиси намояндагон дар хитоб ба вазири молия гуфт, дар масъалаи самаранок истифода бурдани қарзҳое, ки аз хориҷ гирифта мешавад, чораандешӣ намоянд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |