09 янв 2017 14:44Оcиёи Марказӣ / Тоҷикистон

МТС: Равобити Тоҷикистону Узбакистон ба ҳадде хуб аст, ки тасаввур намекунед

Маркази тадқиқоти стратегии назди Президенти Тоҷикистон аз гармшавӣ ва сатҳи муносиботи Тоҷикистону Узбакистон дар моҳҳои охир тавсиф кард.

Раиси ин марказ Худойбердӣ Холиқназар имрӯз, 9-уми январ зимни нишасти матбуотӣ дар хитоб ба хабарнигорон гуфт, “ҳоло сатҳи муносибот ва кори Комиссияҳои байниҳукуматӣ ба андозае мусбат аст, ки шумо тасаввур карда наметавонед”.

Ӯ ба имзо расидани созишнома дар мавриди нақлиётро аз натиҷаҳои муваффақи гармшавии муносибот номид ва изҳор дошт, ки дар фурсатҳои наздик робитаи ҳавоии Тоҷикистону Узбакистон барқарор мешаванд ва ҳоло кори Комиссияҳои байниҳукуматӣ бар сари сода кардани шароити рафтуомад муттамарказ шудааст. Ӯ аз ҷумла гуфт, ки ҳоло кор барои рафтуомади бидуни раводиди сокинони наздимарзии ду кишвар ҷараён дорад ва дар фурсатҳои кутоҳе амалӣ мешавад.

Ҷаноби Холиқназар афзуд, далели дигари бисёр хуб шудани муносиботи Тоҷикистону Узбакистон нишасти матбуотие буд, ки сафири Узбакистон дар Душанбе баргузор кард: “Дар таърихи муносиботи кишвари мо бо Узбакистон ин бори аввал буд, ки сафири ин кишвар нишасти матбуотӣ баргузор намуд ва тамоми мушкилоти мавҷуд дар ин заминаҳоро шарҳ дод”.

Муносиботи Тоҷикистону Узбакистон дар поёни солҳои 90-уми асри гузашта ба сардӣ гароида буд. Ҳамчунин равобити ҳавоӣ бо Тоҷикистонро низ қатъ карда буд ва тамоми марзҳои худро бо Тоҷикистон минакорӣ намуда буд. Низоми раводид миёни ду кишвар аввали солҳои 2000-ум роҳандозӣ шуд. Тайи ин солҳо миёни Тоҷикистону Узбакистон баҳсҳо ва мушкилоти гуногуне сар зада буд, ки бар пайи онҳо Комиссияҳои байниҳукуматии бо салоҳияте созмон дода шуда буд, ки тақрибан дар ҳамаи давраҳо натиҷа кори ин комиссияҳо бенатиҷа ҷамъбаст мешуд.

Баъди ба қудрат омадани президенти тозаинтихоби ин кишвар Шавкат Мирзиёев муносибатҳои Тоҷикистон Узбакистон ба гармӣ гароид.

Мӯҳр

Хабарҳои монанд:

Беном

Вакте бо поезд аз Узбекистон мегузари, соатхо гумрукчиен тамоми колои мардумро мекобанд, хатто занонро аз поен мебинанд. Бо хар бахона чизхоеро, ки. ба онхо маъкул шуданд аз дастат мегиранд, аз кабили телефон, планшет ва гайрахо.... Холо он, ки мардум тарики транзит аз ин давлат мегузаранд. Агар ин масъаларо низ медиданд, хеле хуб мешуд. 4-6 соат вакти мардумро бо кофтуков намегирифтанд.

Ҷавоб диҳед Иқтибос Шикоят

Рустам

Саломи бепоёни гарму чушон ба сарварони давлат.Ман хамчун шарванди чумхурии Точикистон хело хушхолам, ки мо аз нав чашм кушода истодаем. Хаминро гуфтаниам, ки рафту омад байни ду кишвари хамсоя ин боиси тенчию амони мардум мебошад. Дар урфият мегуянд ки аз хеши дур хамсояи наздик бехтар. Худои мутоол ин ду рохбари мамлакатро дар панохи худ нигох дорад ва умри дарози бобаракт ва дар корхояшон мувафакиятхо орзумандем!!!

Ҷавоб диҳед Иқтибос Шикоят

Эзоҳ илова кунед