17 май 2017 11:03Тоҷикистон / Сиёсат

Вазир: Дар САҲШ танҳо ҳуқуқшиносҳо кор хоҳанд кард

Рустами Шоҳмурод, вазири адлияи Тоҷикистон, тағйирот ба қонунгузории кишварро муаррифӣ кард, ки бар асоси он минбаъд дар идораҳои сабти асноди ҳолати шаҳрвандӣ, “САҲШ”, танҳо афроде ҳаққи кор кардан доранд, ки дорои маълумоти олии ҳуқуқшиносӣ мебошанд.

Рустами Шоҳмурод, имрӯз, 17-уми май зимни муаррифии тағйирот ба қонун “Дар бораи ба қайдгирии давлатии асноди ҳолати шаҳрвандӣ” гуфт, ҳадаф аз ин тағйирот беҳтар намудани сифати хидматрасониҳо дар идораҳои САҲШ мебошад.

Абдуҳалим Ғаффоров, вакили Маҷлиси намояндагон аз вазири адлия дар мавриди тақдири афроде суол кард, ки феълан дар идораи САҲШ кор мекунанд, вале маълумоти олии ҳуқуқшиносӣ надоранд.

Дар посух Рустами Шоҳмурод бори дигар ба зарурати беҳбуди хидматрасониҳо ба шаҳрвандон таъкид карда, афзуд, ба онҳое, ки маълумоти олии ҳуқуқшиносӣ надоранд, имкон дода мешавад, то дар риштаи ҳуқуқшиносӣ таҳсил кунанд.

Маҷлиси намояндагони Тоҷикистон дар пайи баррасӣ тағйиру иловаҳои мазкурро қабул намуд.

Мӯҳр

Хабарҳои монанд:

Фаридун

Дар идораҳои сабти асноди ҳолати шаҳрвандӣ, “САҲШ”филологҳо (забон ва адабиётшиносон), бояд кор кунанд. Дар радифи ҳуқуқдонҳо, ин ҳаққи ҳалоли онҳост. Мартаба ва мавқеи забон ва адабиёти миллатро бо умеди ҳуқуқдонӣ зери суол бурдед. Аз филологҳо дар ҳалли масоили иҷтимоӣ (хусусан номгузории миллӣ ва дуруст ном кардани номи фарзандон аз лиҳози имлоӣ ва фарҳангӣ) ба нафъи миллати сарбаланди тоҷик фоида баред. Қонунро дар мувофиқа бо ризоияти филологҳо тағйир диҳед. Оё дигарон дар ин маврид розианд? Ман ҳамчун филолог розӣ нестам, ки танҳо афроде ҳаққи кор кардан доранд, ки дорои маълумоти олии ҳуқуқшиносӣ бошанд. Ин адолати иҷтимоӣ намешавад. Худо аз Шумо розӣ бошад.

Ҷавоб диҳед Иқтибос Шикоят

Вакил

Аз руи нуктаи Конун гирем дуруст бояд хукукшиносон дар сабти асноди холати шахрванди кор кунанд,аммо он начандон зарурат дорад,ки хамаи кормандон бояд хукукшинос бошанд ба хусус хангоми номгузории фарзандон ва иваз кардани ному насаб аз лихози имлои фарханги хатман филологхо даркоранд чунки пур кардни шаходатномахо ва як катор хуччатхои расмии дигаре,ки ба забони точики пур карда мешаванд бояд ба талаботи Конун дар бораи забон чавобгу буда ви риоя карда шавад

Ҷавоб диҳед Иқтибос Шикоят

Шахоб

Чаноби Вазир шмо кучора нигох мекнен. Ман бо амри такдир ай Курган да Панчакент мехонам. Боре як рафикам кораш баромад харду САХШ-и Панчакент рафтем. 1дхтар кор мекна хатто маълумоти оли я тараф синфи даху ездах хондаги нест. Хамира чора дида наметонен?

Ҷавоб диҳед Иқтибос Шикоят

Уфффф

Хукукшиноса мемони филолога мемони баъд чи!

Ҷавоб диҳед Иқтибос Шикоят

Баъд чи

Баъд чи намедони! Ба кисара пур мекни лавро чарбу мемоли мегарди...

Ҷавоб диҳед Иқтибос Шикоят

Ҷаббор

Боре дар САҲШ-и шаҳри Панҷакент корафтода шудам бовар кунед ҳамаи кормандонаш муносибати хуб доранд ва ва фикр мекунам ҳамаи онҳо дар доираи кори худ дониши кофи доранд аҳсан ба ин кормандони САҲШ-и шаҳри Панҷакент.

Ҷавоб диҳед Иқтибос Шикоят

Эзоҳ илова кунед