Русский  >>  فارسی  >>  Душанбе 17 июн 2019, 22:36

Губернатор: Нақзи ҳуқуқу озодии муҳоҷирон онҳоро “террорист” мекунад

4 июл 2017, 14:51

Евгений Куйвашев, раҳбари вилояти Свердловск изҳор доштааст, ки нақзи ҳуқуқу озодиҳои муҳоҷирони тоҷик, узбек ва қирғиз дар Русия онҳоро ба оғуши гуруҳу созмонҳои террористӣ-экстремистӣ тела медиҳад.

Тибқи иттилои дафтари матбуоти раёсати вилояти Свердловск, Куйвашев зимни ҷаласа дар мавриди ҳифзи вилоят аз хатари терроризму экстремизм изҳор доштааст, ки махсусан муҳоҷирони меҳнатӣ осебпазиранд. Раҳбари Свердловск аз мақомоти қудратӣ ва ҳифзи ҳуқуқ хостааст, бо созмону гуруҳҳое, ки ба ҷалби муҳоҷирони меҳнатӣ ба Русия машғуланд корҳои бештар анҷом диҳанд. Ӯ гуфтааст, “бисёри корфармоҳо аз камдонишии муҳоҷирони меҳнатӣ дар мавриди ҳуқуқу озодиҳояшон сӯиистифода мекунанд ва ҳамин тариқ барои паҳни идеологияи терроризм дар муҳити онҳо мусоидат менамоянд”.

Зимни ҷаласа иттилоъ дода шудааст, ки 85 дарсади муҳоҷирон дар Свердловск аз Тоҷикистон, Қирғизистон ва Узбакистон мебошанд: “Инчунин тасмим гирифта шудааст, ки назорати ҷои иқомати муҳоҷирони меҳнатӣ, ба истиллоҳ “хонаҳои резинӣ” низ таҳти назорати бештар гирифта шавад”.

Ин дар ҳолест, ки тибқи оморҳои расмӣ аксари шаҳрвандони Тоҷикистон, ки ба созмонҳои террористӣ, аз ҷумла “ДИИШ” пайвастаанд, аз қаламрави Русия ба ин созмон ҷалб гардидаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • шахрванд

  • 4 июл 2017 16:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин калимахои гайри точикиро "НАК,З" аз кучо пайдо карда бошед а Озодагон?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!