Русский  >>  فارسی  >>  Душанбе 18 феврал 2019, 14:07

Аксари русҳо ҷонибдори маҳдуд кардани вуруди муҳоҷирони меҳнатӣ будаанд

26 август 2017, 08:29

Як назарсанҷии Маркази Левада (Левада-центр) маълум кардааст, ки бештари русҳо мехоҳанд, мизони вуруди муҳоҷирон ба Русия маҳдуд карда шавад.

58 дарсади пурсидашудаҳо гуфтаанд, бояд ҳукумати Русия мизони вуруди муҳоҷирони кориро маҳдуд намояд. Танҳо 6 дарсад ҷонибдори ҷалби муҳоҷирон будаанд.

Дар ҳамин ҳол, Каромат Шарипов, раҳбари Ҷунбиши “Муҳоҷирони кории тоҷик” гуфтааст, ҷонибдорони маҳдуд кардани вуруди муҳоҷирон аз оқибатҳои бади он бехабаранд. Ӯ дар суҳбат ба хабаргузории “Национальная служба новостей” изҳор дошта, ки ба Русия неруи арзони корӣ меояд ва онҳо аслан корҳои “сиёҳ”-ро анҷом медиҳанд, партовҳоро меғундоранд: “Вақте касе ба тамизкорӣ машғул намешавад, кишвар ба як партовгоҳи бузург табдил меёбад. 90 дарсади ҷавонони Русия омода нестанд, ки ба ҷойи муҳоҷирони меҳнатӣ кор кунанд”.

Ба омори ғайрирасмӣ теъдоди муҳоҷирони кории тоҷик дар Русия беш аз миллион нафарро ташкил медиҳад. Муҳоҷиронро дар Тоҷикистон “ноноварон” мегӯяд, бори аслии зиндагӣ бар души онҳост. Солҳои охир дар пайи буҳрони молӣ ва шадид шудани қонунгузории муҳоҷирати Русия вазъи муҳоҷирон вазнин шуд. Ҳазорҳо шаҳрванди Тоҷикистон аз он кишвар бо баҳонаҳои мухталиф ихроҷ шуда ва аз ҳаққи дубораи вуруд ба он кишвар аз 3 то 5 сол маҳрум гардиданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Русҳо шукр кунанд. Муҳоҷирони меҳнатит тоҷик натанҳо корҳои вазнину чиркинро иҷро мекунанд. Онҳо гоҳ-гоҳе ба дигар "корҳо" низ даст мезананд. Мо дар барномаи ТВи русҳо мебинем, ки онҳо шадидан сиёҳсару сиёҳқошу чашм шудаанд. Ин ҳам аз "заҳмати ғайрирасмии" шербачаҳои тоҷик аст.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!