Русский  >>  فارسی  >>  Сешанбе 18 июн 2019, 23:40

Оҷонсӣ: Масъули бахши танзим аз соҳиби тӯй 1075 сомонӣ пора гирифтааст

28 сентябр 2017, 08:59

Агентии назорати давлатии молиявӣ ва мубориза бо коррупсияи Тоҷикистон аз боздошти як корманди бахши танзими шаҳри Турсунзода бо иттиҳоми талаби ришва хабар дод.

Ин ниҳод дар гузориши телевизионие эълом кард, Андалеб Ҳакимов, масъули бахши танзим дар ҷамоати деҳоти Қаратоғи шаҳри Турсунзода аз шаҳрванд “А”, ки барои гузаронидани тӯйи домодиву арусӣ муроҷиат кардааст, 1075 сомонӣ пора хостааст. Дар ин гузориш, ки шоми рӯзи гузашта телевизиони “Тоҷикистон” намоиш дод, гуфта шуд, “Ҳакимов Андалеб Абдураҳмонович мансаби худро на ба манфиати давлату миллат, балки ба манфиати шахсӣ истифода намудааст. Ӯ зимни гирифтани маблағи мазкур аз шаҳрванд “А” дар утоқи кориаш боздошт гардида, маблағи мазкур ҳамчун далели шайъӣ дарёфт ва мусодира гашт”.

Ба иттилои оҷонсии зидди фасод, нисбати Ҳакимов бар асоси моддаи 319 қисми 1-и Кодекси ҷиноятӣ парванда оғоз шуда, тафтишот идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!