Русский  >>  فارسی  >>  Якшанбе 19 ноябр 2017, 02:15

Конибодом: Ифтитоҳи Маркази барқарорсозӣ барои кӯдакони имконияташон маҳдуд

23 октябр 2017, 09:43

Бо 81 ҳазор доллари Сафорати Ҷопон ва 130 ҳазор сомонии маъмурияти шаҳри Конибодом дар ин шаҳр Маркази барқарорсозӣ барои кӯдакони имконияташон маҳдуд мавриди истифода қарор гирифт.

Аз дафтари матбуоти раиси вилояти Суғд ба хабаргузории “Озодагон” гуфтанд, ин марказ аз толорҳои бозӣ, мусиқӣ, китобхона, ошхона, ҳуҷраҳои дамгирӣ, ҳунаромӯзӣ, санитарӣ, равоншинос, асабшинос, логопед, тренинг ва маъмурият иборат мебошад: “Дар сохтмони бино аз ҷониби сафорати Ҷопон 81 ҳазор доллари амрикоӣ ва мақомоти иҷроияи ҳокимияти давлатии шаҳри Конибодом дар ҳаҷми 130 ҳазор сомонӣ маблағгузорӣ шудааст”.

Ду сол қабл бо кӯмаки Сафорати Ҷопон шӯъбаи таваллуди Беморхонаи марказии шаҳри Конибодом таъмиру таҷдид ва бо таҷҳизоти зарурии тиббӣ таъмин гардид.

Дафтари матбуоти раиси вилоят мегӯяд, Маркази инкишоф ва барқарорсозии кӯдакони дорои имконияташон маҳдуд имкон медиҳад, “минбаъд чунин атфол миёни ҳамтоёни хеш дар муҳити созгор худро боз ҳам хушбахттар эҳсос намуда, новобаста аз имкониятҳои хеш чун инсонҳои асил ба воя бирасанд”.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!