Русский  >>  فارسی  >>  Панҷшанбе 8 декабр 2016, 10:54

Видео: Интиқоли Умедҷон Тоҷиев аз беморхона ба СИЗО

8 ноябр 2013, 10:55

Умедҷон Тоҷиев, як сокини ноҳияи Исфара, ки дар “ташкил”-и гуруҳи ҷиноӣ муттаҳам мешавад, аз беморхона ба СИЗО-и шаҳри Хуҷанд интиқол дода шудааст.

Умедҷон Тоҷиев рӯзи 30 октябр аз сӯи маъмурони пулис ба ҷурми “ҳуқуқвайронкунии маъмурӣ” боздошт шуда ва бо қарори додгоҳи Исфара ба 10 рӯзи зиндон маҳкум гардида буд. Аммо рӯзи 2 ноябр ӯро бо ҷароҳатҳои вазнин ба бемористон оварданд. Мақомот гуфтанд, Умедҷон Тоиев, увзи Ҳизби Наҳзати Исломӣ, худро аз ошёнаи севуми бинои Идораи пулис ба зер афканда, талош кардааст, аз боздошт фирор кунад.

Тоҷиев дар ҳоле ба СИЗО бурда шудааст, ки ӯ тули чанд шабонарӯз дар шуъбаи эҳёгарии беморхонаи марказии Исфара бистарӣ буд.

Модари Тоҷиев, ки ин ҳама гуфтаҳои мақомотро беасос медонад, аз он нигарон аст, ки бо гузашти чанд рӯз наметавонад, ба дидори писари маҷруҳаш мушарраф шавад. Ин модари пиронсоли тоҷик аз Эмомалӣ Раҳмон, раисиҷумҳури Тоҷикистон хоҳиш дорад, то ба қазияи писараш дахл кунад. Чун ӯ мегӯяд, танҳо дар ин сурат ба тафтишоти одилонаи парвандаи ҷиноии бозшуда алайҳи Тоҷиев бовар дорад.



Аз сӯи дигар, бародари Тоҷиев, ки ӯ низ аслан ба гуноҳи бародарбузургаш бовар намекунад, мегӯяд, Умедҷон Тоҷиев ҳангоми савдо дар бозори Исфара бидуни ягон шарҳу тафсил боздошт ва ба шуъбаи корҳои дохилӣ интқол ёфтааст. Ӯ меафзояд, ки танҳо баъд аз муроҷиат ба додситонии ноҳия ва дахолати ин ниҳод, кормандони пулиси Исфара гуфтаанд, ба иттиҳоми авбошӣ Тоҷиевро дастгир кардаанд.



Ҳизби наҳзати исломии Тоҷикистон, ҳизби умдаи мухолифи кишвар низ дар пайи ин ҳодиса, як ҳайати худро барои ошноӣ бо вазъи сиҳҳат ва қазияи Умедҷон Тоҷиев , узви худ ба шаҳри Исфара фиристодааст. Муҳаммадкарими Орзу -- муовин ва Зарафо Раҳмонӣ -- мушовири ҳуқуқии раиси ҲНИТ ба ҳайати эъзомшудаи ин ҳизб ба Исфара шомил будаанд.

Ахиран Вазорати умури дохилии Тоҷикистон бо пахши як хабар аз барканории чанд тан аз кормандони пулиси Исфара хабар дода, гуфта буд, бемасъулияти ин афрод сабаб шудааст, ки Тоҷиев худро аз тирезаи Шӯъбаи корҳои дохилӣ ба зер афканда ва маҷруҳ кунад. Мақомот мегӯянд: “рӯзи 2 ноябр нисбат ба Умедҷон Тоҷиев дар асоси нишондоди пеш дастгир ва ҳабсшудагон Иброҳимов З., ва Шодиев Ғ., инчунин иқрори худи ӯ, аз тарафи Додситонии шаҳри Исфара парвандаи ҷиноӣ бо моддаи 187, қисми 2-и Кодекси ҷиноӣ, яъне ташкили иттиҳоди ҷиноӣ оғоз карда шуд. Баъд аз анҷоми пурсиш Тоҷиев бо мақсади фирор намудан аз ошёнаи сеюми бинои Шӯъбаи 1-и ВКД дар шаҳри Исфара ба поён меҷаҳад, ки дар натиҷа пойи чапи ӯ ҷароҳат бардошта, барои ёрии таъҷилии тиббӣ расонидан, аз тарафи кормандони милиса ба беморхона оварда карда мешавад.”


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!