23 апр 2015 14:36Тоҷикистон / Сиёсат

Эмомалӣ Раҳмон маънои калимаи "Кангурт"-ро шарҳ дод

Эмомалӣ Раҳмон, раисиҷумҳури Тоҷикистон, имрӯз, 23-юми апрел дар доираи боздидаш аз ҷамоати деҳоти Кангурти ноҳияи Темурмалик баробари суҳбат аз рушди иқтисодию иҷтимоӣ маънои калимаи Кангуртро низ ба сокинони ҷамоат шарҳ додааст.

Тибқи иттилои дафтари матбуоти раисиҷумҳури Тоҷикистон Эмомалӣ Раҳмон дар пайи суҳбат дар бораи ободонӣ, ташкили ҷойҳои нави корӣ, кишт ва рушди хизматрасониҳои бонкӣ изҳор доштааст, ки Кангурт аз замонҳои қадим ҳамчун зодгоҳи орифону олимон ва донишмандони соҳибмактаб эътироф шудааст: “Тибқи маъхазҳои таърихӣ ва маълумоти муҳаққиқон калимаи «Кангурт» аз калимаи «кант», яъне «шаҳр» ё «макон» ва калимаи «гурт», «гурд», яъне «паҳлавон» ё «бузург» таркиб ёфтааст. Шояд маънои дуюми калима дуруст бошад, зеро Кангурт макони кору зиндагии олимону ҳунармандон ва паҳлавонону дигар шахсиятҳои бузург аст”.

Раисиҷумҳур гуфтааст, замоне беҳтарин толибилмон ва мударрисони мадрасаҳои шаҳрҳои бузурги минтақа аз ҷумлаи намояндагони Кангурт будаанд ва фарзандони маъруфи Кангурт, аз қабили Карими Шуш, Фаттоҳ Одина ва даҳҳо нафари дигар дар рушду пешрафти мусиқиву овозхонии халқиву касбӣ ва дигар бахшҳои ҳаёти фарҳангии халқамон саҳми арзишманд гузоштаанд.

Дар баробари ин раисиҷумҳури Тоҷикистон аз ноогоҳии мардуми ноҳия аз тартиби нави дохилшавӣ ба муассисаҳои олии таълимӣ нигаронӣ кардааст. Ӯ изҳор доштааст, ки корҳои фаҳмондадиҳӣ доир ба тартиби нави дохилшавии довталабон ба муассисаҳои таҳсилоти олии касбӣ ва омода намудани хонандагон ба ин низоми муосир қонеъкунанда нест ва огоҳии падару модарон аз усули нави қабул ба мактабҳои олӣ дар сатҳи зарурӣ намебошад: “Ҳамзамон бо ин, омӯзгорон ба масъалаи интихоби огоҳонаи касбу ихтисос аз ҷониби хонандагон ва омода кардани онҳо барои ноил шудан ба ҳадафи худ кам таваҷҷуҳ зоҳир менамоянд. Маҳз бо ҳамин сабаб теъдоди хатмкунандагони муассисаҳои таълимии кишвар ба пуррашавии мансабҳо ва касбу ихтисосҳо мутобиқат намекунад. Дар ин кор, пеш аз ҳама, падару модарон бояд бештар масъулият эҳсос намуда, ҳангоми интихоби касб завқу хоҳиши фарзандонро ба инобат гиранд”.

Мӯҳр

Хабарҳои монанд:

Истиклол

Бисер дуруст кайд карданд Чаноби Оли, ки Кангурт хакикатан олимхою, пахлавонони бузургро тарбия кардааст.

Ҷавоб диҳед Иқтибос Шикоят

Кангурт вожаи турки аст.

Ҷавоб диҳед Иқтибос Шикоят

Балчувони

Кангурт маънояш КОНИ ГУРГХО (албатта гургхои дупо) мебошад.

Ҷавоб диҳед Иқтибос Шикоят

таърихчи

Маънои Кангурт дар асл аз Қунғурот гирифташудааст ва ба маънои макони зисти қунғуротҳо як қавми турктабор ё узбактабор мебошад ва бо мурури замон ба кангурт иваз шудааст. ҳоло ҳам қунғуротҳо дар ин минтақа зиёд зиндагӣ мекунанд.

Ҷавоб диҳед Иқтибос Шикоят

Каннурти

Хай бахили накнен Кангурт дар асл зодгохи пахлавонону олимон АСТ! Танхо аз Кангурт че нафар кахрамони Иттифоки Совети бароиадааст Ин Шарафи каннгуртихост

Ҷавоб диҳед Иқтибос Шикоят

Инъом

Дар байни узбакхо халкияте хаст бо номи "к,унгирот". Шояд дар ин деха замоне онхо зистаанд ё холо зиндагони доранд.

Ҷавоб диҳед Иқтибос Шикоят

Dev

.,
Shoyad vozhai turki boshad, vale dalel ku? Chi mano doshtas?
Истиклол,
Olimhoi Kangurta millat nadid!

Ҷавоб диҳед Иқтибос Шикоят

Кангрти

Худо сафи гургхои ду пои гангуртро зияод куна
Мардой банангу ор дора кангурти мо аз авал кангурти
Моро мулки бедар сохтияан (мо мехмон дустем) бародархо

Ҷавоб диҳед Иқтибос Шикоят

Миллат

Аз навиштаи баъзехо нафрат ба пораи Ватан ва миллат бараъло намоён аст. Оё Кангурт чузъе аз Ватани Шумо нест? Ба ин махалбадбиниатон ба чое намерасед. Бахилиатон маълум шуд. Маънии номи Гурдофарид чист медонед? Дар Кангурт, кунгуротхо хеч вакт набуданд ва нестанд. Ину ваймон аз худамон нест гуфта, Синоро кариб аз даст додед беномусхо. Акнун Хочи Хусайну гузаштагони уро низ ба Туркхо доданиед? Мурдани чунин Ватандорхо бех а не Озодагон. Мард боши чоп кун. Чоп, ки карди Ватандуст буданатаро мефахмем.

Ҷавоб диҳед Иқтибос Шикоят

Эзоҳ илова кунед