Ифшои 4 фолбин дар Суғд: Фол-15 сомонӣ, бахткушоӣ-150
Ба иттилои мақомоти умури дохилӣ, яке аз боздоштшудаҳо -- Саидаҳмад Саидкамолови 38-сола, зодаи ноҳияи Мастчоҳ мебошад, ки тайи 12 соли охир ба сеҳру ҷоду машғул будааст: “Аз ҷумла Саидаҳмад дар маслиҳат бо Гулбоева Гулчеҳра, сокини 45-солаи ноҳияи Зафаробод аз як сокини шаҳри Истаравшан бо баҳонаи он, ки ӯ дар доми ҷоду гирифтор аст ва бояд халосаш кунанд, аз ӯ як гусфанд, 100 доллар ва 400 сомонӣ ҳаққи хизмат гирифтаанд”.
Саидаҳмад гуфтааст, ҳунари фолбинӣ ва сеҳру ҷодуро аз падару бобокалонаш мерос гирифтааст.
Ба иттилои мақомоти умури дохилӣ, фолбини дигар Гулҷаҳон Худошукурови 50-сола, зодаи шаҳри Истаравшан давоми 27 соли охир сеҳру ҷодуро пеша кардааст: “Дар шаҳри Хуҷанд як хонаро ба иҷора гирифта, барои хизматрасониҳояш аз 15 то 150 сомонӣ мегирифтааст. Дар нархномаи муайянкардаи ӯ фол-15 сомонӣ, гардон-15 сомонӣ, бахткушоӣ- 150 сомонӣ, банка-120 сомонӣ, укол-1,8 сомонӣ ва массаж тайи 10 рӯз 120 сомонӣ нархгузорӣ шудааст”.
Аммо худи Худошукурова мегӯяд, ҳаққашро вобаста ба инсофи корафтодагон мегирифтааст, чун ӯ иҷоранишину модари танҳо буда, бояд ду писарашро хӯронаду хононад.
Дар ин қатор ҳамчунин фаъолияти Ҷаҳонгир Аламуродови 24-сола ошкор шудааст, ки дар зодгоҳаш, ноҳияи Спитамен муддати се соли охир ба сеҳру ҷоду машғул будааст. Манбаъ мегӯяд, аз Аламуродов беш аз 50 сурати афроди гуногун дарёфт шудааст, ки ба гуфтаи худи ӯ аксҳои корафтодагон мебошанд: “Ӯ барои барқарор кардани муносибатҳои оилавӣ, муолиҷаи безурётӣ, тумор, кушоиши кору гарму хунук кардан кӯмак карда, аз 5 то 100 сомонӣ ҳаққи хизмат мегирифтааст”.
Мақомот аз шаҳрвандон даъват мекунанд, ки ба чунин “фиребкорон” бовар накунанд ва дар сурати дарёфти иттилоъ аз фаъолияти онҳо ба ниҳодҳои дахлдор хабар диҳанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
