01 сен 2015 14:04Тоҷикистон / Ҳуқуқи инсон / Иҷтимоӣ

Супориши қатъии генерал Раҳимзода барои таҳқиқи қазияи Умар Бобоҷонов

Рамазон Раҳимзода, вазири умури дохилии Тоҷикистон ба тобеинаш супориши қатъӣ додааст, то қазияи Умар Бобоҷонов, як сокини 23-солаи шаҳри Ваҳдатро, ки ба иддаои наздиконаш аз сӯи маъмурони пулис барои ришаш латту кӯб шудааст, мавриди санҷиш қарор диҳанд.

Аз дафтари матбуоти Вазорати умури дохилӣ имрӯз, якуми сентябр ба “Озодагон” иттилоъ доданд, ки бо супориши генерал-лейтенанти милиса -- Рамазон Раҳимзода оид ба ҳолати рухдода нисбати Умар Бобоҷонов гуруҳи оперативӣ-тафтишотӣ таҳти роҳбарии муовини вазир таъсис шуда, ҳодисаи мазкур мавриди санҷиши хизматӣ қарор дорад.

Манбаъ мегӯяд, бо супориши вазири умури дохилӣ, дар рафти санҷиши хизматӣ сабаб ва омилҳои ҳолати мазкур муайян гардида, шахсони гунаҳгор ба ҷавобгарӣ кашида мешаванд: “Аз натиҷаи санҷиши хизматӣ иловатан иттило дода мешавад”.

Супориши қатъии вазири умури дохилии Тоҷикистон дар ҳолест, ки наздикони Умар Бобоҷонов, сокини 23-солаи шаҳри Ваҳдат иддао доранд, ӯро маъмурони пулис барои ришаш латту кӯб кардаанд. Абдулло Бобоҷонов, бародари Умар ба Радиои Озодӣ гуфтааст, бародарашро шоми 28 август кормандони пулис барои ришаш мавриди латту кӯб қарор додаанд, ки баъдан дар ҳолати вазнин ба бемористони шаҳри Ваҳдат оварда шудааст. Табибон вазъи ӯро вахим гуфтаанд.

Умар Бобоҷонов донишҷӯи соли сеюми Донишгоҳи Санкт-Петербург будааст, ки дар таътили тобистона ба зодгоҳаш омадааст. Зоҳирҷон Соҳибов, яке аз дӯстони Умар, ки ҳангоми ҳодисаи латту кӯб бо ӯ будааст, ба "Озодӣ" гуфтааст, "мо дар маркази шаҳри Ваҳдат, дар назди муҷассамаи “Модар” сайругашт доштем, ки ногаҳон се мошин омад ва 6-7 нафар аз онҳо берун шуданд. Онҳо ману Умарро ба шӯъбаи корҳои дохилӣ бурданд. Латту кӯб карданд. Субҳи 29 август Умарро ба бемористон овардем, ки ҳолаш хеле вазнин буд".

Дар робита ба ин қазия дирӯз ва имрӯз наздики сад нафар аз сокинони шаҳри Ваҳдат дар назди бемористони марказии шаҳр, ки Бобоҷонов дар ҳолати вазнин онҷо оварда шудааст, ҷамъ омада, аз ин ҳодиса изҳори нигаронӣ кардаанд.

Мӯҳр

Хабарҳои монанд:

Cобир

Эронро риш хароб кард, Точикистонро товаРиш. Бузришхо сазоятон хамин хаст! Мамлакатро бесохиб ёфтед?!

Ҷавоб диҳед Иқтибос Шикоят

Вахдати

Ахсан давлати демократи офарин 100офарин

Ҷавоб диҳед Иқтибос Шикоят

Sadi

Cобир,
хамин гапора гуфтани нестам локин гузарондед аз хамин хотир мегуям ба хамон касони мегуям ки ришро бад мебинан валохи касам рузи киёмат Аллох чазотон мета барои ин амалатон аз Аллох тарсен худатон мардумро кори мекунен ки ба дигар давлатхо рафта ифроти шаванд ин коро накунед милисахо аз худо тарсед нозада муомила кунед кати мардум рузе мешавад ки хамин мсардуми камбагал барои шумо даркор мешаванд изтигфор кунед ин амалро хамчун харом исобкунед аз даргохи илохи тоба карда магфирати гуно кунед.

Ҷавоб диҳед Иқтибос Шикоят

бандаи Аллох

ин хукумат ба чои он ки сари рохи бекори болоравии пули миллмилли, бесаводи, фоишагари, пора ва гайраро гирад дар пайи ким кадом корхои бехуда ась. дар точикистон кариб 95фоизи хонандагон бесавод хастанд

Ҷавоб диҳед Иқтибос Шикоят

Фаридун

БА СОБИР!!!!
Ҳайф, ки номат Собир аст. Фақат ман ҳаминро гуфтаниям, ки:
Расули Худо (с) фармуданд: Яке аз суханоне, ки мардум аз паёмбарони гузашта дарёфтаанд, ин аст, ки агар шарм надорӣ ҳарчӣ хоҳӣ кун. (Саҳиҳ Бухорӣ)

Ҷавоб диҳед Иқтибос Шикоят

Вазиф

Cобир,
Худованд туро хидоят кунад ва агар лоики хидоят набоши дар катори хамун милисахо!

Кучо нигох мекунанд ОБСЕ ва Freedom House??? Кучо нигох мекунанд Рахимзодаву дигару дигарон? Имруз точик хам дар берун аз ватан ва хам дар дохили ватан хор аст.

Ҷавоб диҳед Иқтибос Шикоят

Гилаи риш

Cобир,

Гилаи Риш
Афсус ки ба рухсораи Тоҷик бидамидам
Ҳеҷ рӯзе хуше баъди дамидан, ки надидам.
Руйидаму дар руйи ту таҳқир шунидам.
Як дасти касиф омаду аз реша буридам,

Гӯ ,чист гуноҳам , ки ин қайчибадастон,
Таъқиб кунандам ба ҳар роҳу хиёбон,
Ҳайрон шудам аз кори худу бачаи инсон,
Ин тоифаи булаҷаб, ин мисли сутурон!
Ин душманӣ бо ман зи сари чист надонам ,
Дин аст сабаби нафрати эшон ба гумонам.
Ин динтарошист на риш аст, вагар на,
Ман рамзи мазоҳиби ба ҳақ, мазҳабашонам!
Дар мазҳаби ин тудаи овораи нодон,
Ин тудаи аз ҳикмату аз илм гурезон.
Қайчидани ман аз назари фиқҳ гуноҳ аст
Ҳайронам аз ин мазҳаби ин қайчибадастон.
Ё ман , сабаби танқисии зиндагишонам?
Ё ман , сабаби сархамишон руйи ҷаҳонам?
Ин калла ки имрӯз маро душмани ҷон шуд ,
Мағз ҳаст дар ин каллаи пӯсида, надонам!

Ҷавоб диҳед Иқтибос Шикоят

Хушбахт

ахсант бародар собир Аллох нигахбонат.

бародаро бахшиш камтар иштибох шуд ман ба нависанда "гилаи риш"ахсан мегуфтаги будам нофахмида собир гуфтиям Худоё гунохи нофахмидаи маро бахш.омин.офарин нависанда Аллох ачрат дихад омин.

Ҷавоб диҳед Иқтибос Шикоят

Бериш)))

Рости бояд пеши ин беадолатиро грифт ба ин хадисаи нангин бояд дигар масулонам човоб гуянд ин чорнафаро касе тарбия кардааст бояд он хорам човоб гуянд .Агар вазъ хаминхед давом кунад точикистон бо соли 90 бархохадгашт ин тарсондан нест хакикат аст ин 100 нафаре ки чам шудаанд зара зара чам шавад окибат дарёшавад яъне сел .

Ҷавоб диҳед Иқтибос Шикоят

Идрис

офарин

Ҷавоб диҳед Иқтибос Шикоят

Cафар

Худованд ба ин бародар шифои комил ато фармояд. хуб мешуд агар "мусалмонони" мо фарзхои Илохиро пурра ичро мекарданд. Риш мондаги хатто намоз намехонанд, агар пурси суннати Пайгамбар мегуяд фарзхои илохи тамоман фаромуш шудаги афсус!!!!

Ҷавоб диҳед Иқтибос Шикоят

Бандаи худо

Cобир,
Cобир,
Падарат хаст агар аз Аллох наметарси аз падарат тарс

Ҷавоб диҳед Иқтибос Шикоят

Cафар

Хатман гунахкорони ин ходиса ба чавобгири кашида шаванд. Ки медонад шояд ин як фармоиш аз чониби боз хамон ришдорон шуда бошад. Як замоне шудаст, ки ришдору бериш бо бизнес машгул аст.

Ҷавоб диҳед Иқтибос Шикоят

Geneva

Гилаи риш,
Шеъри бехтарин! Муаллифаш ки бошад?

Ҷавоб диҳед Иқтибос Шикоят

Эзоҳ илова кунед