06 май 2016 15:23Тоҷикистон / Сиёсат / Дидгоҳи хос / Видео / Тема дня

Холаи Сабзамоҳ: Таъна мезананд, ки писарат дар Сурия аст (АКСУ ВИДЕО)

Як зану шавҳар аз ноҳияи Шамсиддини Шоҳин (Шӯроободи собиқ) мегӯянд, баъди ба Сурия рафтани писари бузург ва бо иттиҳоми узвият дар гуруҳи экстремистӣ боздошт шудани фарзанди дувуми онҳо, зиндагиашон мушкил шуд.

Ба қавли Сабзамоҳ Миралиева дар ҳама ҷо таънаашон мезананд ва наметавонанд, коре пайдо карда, зиндагии худро пеш бубаранд: “Вақте барои нафақаам меравам, писарат дар Сурия гуфта, нафақаамро намедиҳанд”.

Шамсимад Назаров, шавҳари Сабзамоҳ низ мегӯяд, муносибати мақомоти маҳаллӣ бо онҳо хеле сард аст. “Мо террорист нестем. Наход Ҳукумат бо мо чунин муносибат кунад? Наметавонам коре пайдо карда, аққалан 200 сомонӣ ёбаму зиндагиро пеш барам”,-ҳасрат мекунад вай.

Ӯ дар суҳбат ба “Озодагон” гуфт, писари бузургаш Амрияздон, ки 26 сол дорад, ду сол қабл бедарак шуд ва баъдан хабари пайвастанаш ба гуруҳи террористии ба ном “Давлати исломӣ” ё ДИИШ расид. Ҳоло намедонанд, ки ӯ зиндааст ё мурда. Писари дуюми онҳо – Алимардони 24-сола соли 2015 бо пешниҳоди як дӯсташ барои кор ба вилояти Суғд меравад: “Вақте кормандони амният моро даъват карда, гуфтанд, ки писари калонатон дар Сурия аст, моҳи июни соли 2015 писари дуюмам барои пеш бурдани зиндагӣ ба Истаравшан рафт. Як дӯсташ бо номи Даврон ба Алимардон гуфтааст, ки онҷо дар як завод ба ҳайси назоратчӣ ба корат мемонам”.

Ба қавли ӯ, писараш аз ноҳия ба Душанбе ва аз онҷо ба Хуҷанд меравад, аммо шабона боздошташ мекунанд. 29 декабри соли 2015 додгоҳ ӯро дар узвият ба гуруҳҳои ифротӣ муҷрим шинохта 10 сол равонаи зиндон мекунад: “Ин писарам донишгоҳи технологии Кӯлобро хатм карда буд, аммо бо сабаби хира шудани нури чашмам дар назди духтур табобат мегирифт. Сутунмуҳрааш ҳам каҷ буд”.

Шамсимад Назаров мегӯяд, мутмаин аст, ки Алимардон гуноҳе надорад ва иштибоҳан пушти панҷара рафтааст.

Амрияздон

Алимардон

Амрияздон ва Алимардон (акс аз албоми тифлӣ)

Мӯҳр

Хабарҳои монанд:

мохира

Сад хайфи чавонони зебо, наход ки хукумат пеш аз оне ки чавононро ба панчара мекашан,якум бор бояд огохонидан лозим ,вакте ки такрор кард дар он холат ба хабс гирифтан мумкин аст, базеи чавононро дар гурури чавони хато намедонанд дар кадом рох рафта истодаян бе огохиву фахмондадихи чавононро паси панчара кашидан баракс бадбинии чавонон нисбат ба хукумат меафзояд чавононро бояд бо варзиш ва ягон касб чалб кунем, аз бекориву бехукукии чавонон базе душманони милат истифода мебаранд, сад хайфи милати орийоии точикам!!!

Ҷавоб диҳед Иқтибос Шикоят

кулоби

Инхо бояд шкиоят аз тарабияи нодурусти худ кунанд, ки фарзандони хешро дар руыияи ватандусти ба воя нарасонидаанд. Миёни мардум як шеъри халки аст...
Хишти аввал равад меъмор кач.
То ба охир равад девор кач.

Ҷавоб диҳед Иқтибос Шикоят

Ман

Модаро Дидед Бетавачухи нисбати Фарзанд Кучо мебарад Ма дар Пойтахт бисёр Чавононро мебинам,ки
Акидаи Ифроти доран лекин Падар Модар аз инхо бехабар хастан

Ҷавоб диҳед Иқтибос Шикоят

nabi farhor

Чавон ба Сурия рафт вай беакли кард.Кадом Модар мехохад писараш аз наздаш дур бошад.Касе,ки чиноят мекунад,бигзор чавоб гуяд.Модар чи гунох дорад,ки маъоши вай ро намедиханд.

Ҷавоб диҳед Иқтибос Шикоят

мехмон

Ба кирдори шахрвандони болиг падару модар ва наздикон чавоб намедиханд. Чунки мувофики сарконун хар як шахрванд баъди ба балогат расидан рохи худро мустакилан интихоб мекунанд. Агар ин падару модар ва бародар ба кори якуми шарик бошанд динар гап. Аммо чавонони мо то синни 18 солаги расидан умумуман аз саводи дунявию динни надоранд. Хар як сухани чозибанок онхоро ба тарафи худ мекашад. Имомхатибони нохияу кишлокхо саводи казои надоранд. Ва ба як саволи одди чавоб дода наметавонанд. Ин сабаб хаст ки онхо тез ба гуруххои дигари ифроти дохил мешаванд.

Ҷавоб диҳед Иқтибос Шикоят

Саломшохиддин

Аз номаш маълум аст, ки Сурия рафтааст..Амри Яздон ки бошад, аник Сурия рафтааст то ари Яздон яъне чиходро амали кунад...номаш ифрогароёна аст, ки худаш аник террорист аст..ана хамин хел бо хешу табораш муносибат крад то барои дигарон даср шавад...хози як бечора 100 грам арак хураду хоб равад ба касе кор нагирад мо хонаи у намеравем, чаро сурия одамкуши мераванд мо бояд бо онхо дусти дошт а бошем...дуруст аст ради маърака шаванд бояд онхо..

Ҷавоб диҳед Иқтибос Шикоят

синои кулоби

Саломшохиддин,
Ба фикрам арақро дуст медори на ватанрову на миллатро.

Ҷавоб диҳед Иқтибос Шикоят

гариб

Саломшохидин:
Рузи модари гамдидаро дар сарат биёрад! баъд мефахми. Худованд раъди маъракат кунад! ба ин суханхои навиштаат!

Ҷавоб диҳед Иқтибос Шикоят

Шахрванд

Эй чавони содда, каллаи точиконаатро истифода набурди, ки Хучанд рафтиву ба доми фиреб афтоди. Як кас бошад, дустатро бо номи Даврон рахбари кунад. Аслан ин гуна холатхо аз руи мушохида зиёд шуда истодаанд. Ба дустии баъзе агар кушанд хам бовар намекунам, чунки эътммодамро ба ин гуна ашхоси хизмати хирсона мекардаги аз даст додаам. Падару модари азиз, чавон ку дар рухияи дигар тарбия ёфтааст, бо соддаги ба худаш дуст пайдо кардааст, худи Шумо чи, чаро аклатонро ба кор наандохтеду чилавгири аз он кунед. Мардуми мо то дируз аз конститутсия дастгири мекарду чоннисорихо кард. Имруз дар тули 5 - 10 сол бовар намекунад,ки идеяашон тагйир ёфтааст. Ва ин дар акли ман хич намегунчад. Бошад,ки ингуна домандозихо то болохо нарасад.

Ҷавоб диҳед Иқтибос Шикоят

шахрванд

Эй чавони содда, каллаи точиконаатро истифода набурди, ки Хучанд рафтиву ба доми фиреб афтоди. Як кас бошад, дустатро бо номи Даврон рахбари кунад. Аслан ин гуна холатхо аз руи мушохида зиёд шуда истодаанд. Ба дустии баъзе агар кушанд хам бовар намекунам, чунки эътммодамро ба ин гуна ашхоси хизмати хирсона мекардаги аз даст додаам. Падару модари азиз, чавон ку дар рухияи дигар тарбия ёфтааст, бо соддаги ба худаш дуст пайдо кардааст, худи Шумо чи, чаро аклатонро ба кор наандохтеду чилавгири аз он кунед. Мардуми мо то дируз аз конститутсия дастгири мекарду чоннисорихо кард. Имруз дар тули 5 - 10 сол бовар намекунам,ки идеяашон тагйир ёфтааст. Ва ин дар акли ман хич намегунчад. Бошад,ки ингуна домандозихо то болохо нарасад.

Ҷавоб диҳед Иқтибос Шикоят

Эзоҳ илова кунед