Русский  >>  فارسی  >>  Ҷумъа 23 июн 2017, 08:27

Аслов: Иштироки ҷинояткорон дар ҷаласаҳои САҲА маҳкум шавад

9 декабр 2016, 10:58

Сироҷиддин Аслов, вазири умури хориҷии Тоҷикистон дар Ҳамбурги Олмон пешниҳод кард, ки иштироки ашхоси ҷиноятпеша дар ҷаласаҳои САҲА маҳкум шавад.

Тавре аз Вазорати умури хориҷии Тоҷикистон ба “Озодагон” иттилооъ доданд, ин пешниҳоди Аслов дар ҷаласаи вазирони корҳои хориҷии кишварҳои узви Созмони аҳдномаи амнияти дастаҷамъӣ, ки 8-уми декабр дар ҳошияи Иҷлоси 23-юми Шӯрои вазирони корҳои хориҷии кишварҳои ширкаткунандаи САҲА баргузор гардид, садо дод.

Вазирони хориҷии СААД зери унвони “Роҷеъ ба баланд бардоштани самаранокии фаъолияти САҲА дар сохтори амнияти умумиаврупоӣ” изҳорот қабул кардаанд. Вазорати умури хориҷии Тоҷикистон мегӯяд, “ба санади мазкур бо пешниҳоди Тоҷикистон банди вежа роҷеъ ба маҳкум кардани иштироки ашхос ва гуруҳҳои ҷинояткор дар ҳамоишҳои САҲА ворид карда шуд. Дар изҳороти муштарак инчунин зарурати банақшагирии фаъолияти дафтарҳои саҳроии САҲА танҳо бо дарназардошти талабот, дархост ва авлавиятҳои кишварҳои мизбон инъикос карда шуд”.

Ин пешниҳод дар ҳолест, ки ахиран иштироки аъзои гуруҳи мамнуъ, аз ҷумла Ҳизби наҳзати исломӣ дар ҷаласаи солонаи САҲА норозигии Тоҷикистонро ба вуҷуд овард. Ҳайати Тоҷикистон дар ҷаласаи солонаи САҲА, ки Зариф Ализода, омбудсмени тоҷик низ шомили он буд, 23 сентябр бо нишони эътироз аз ҳузури намояндагони ҳизбу гуруҳҳои мамнӯъ дар ин ҳамоиш, ҷаласаро тарк кард.


Шарҳи худро бинависед:

Ном:*
E-Mail:
Матни шарҳ:
Посух додан
  • Наблюдатель

  • 9 декабр 2016 19:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Акаи Маликшо аз сафир шудагиатон ягон результати кор нест. Тамоман бе масьулият шудед.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!